 |
Questa pagina è ancora da trascrivere o è incompleta. | |
Mes mals jeu sentel pli mo miez,
10Miu schar encrescher scatscha
Igl artg energic el maun dretg,
Che cloma ils tuns de dultsch deletg.
Cu hirondellas cun giblar
Cheu sgolan en ed ora,
15La sera denter stgir e clar,
O giegia ti sonora,
Tiu tun rebatta en miu suler
Sco cant d’ utschals leu sil clutger.
Dals mirs resunan ault e bass
20Bein dultschas harmonias;
Cun mia giegia mont a spass
Dad autras compagnias
Bugien jeu stun dalunsch retratgs
Sunont mes siemis e patratgs.
25O violina en miu bratsch,
Regal de mia Musa,
Ti has tendiu a mi in latsch,
Vul esser mia spusa? —
Gie, baul nus essan s’ empermess,
30E l’ affecziun ha fatg progress.
Gliei ver, ti vesses meritau
Manutta bein pli fina,
In trubadur bia pli versau,
Ti legra violina:
35Denton cun serius quitau
L’ emprema ligia hai salvau!
Amitga de mes giuvens ons,
Compogna delicata,
Pos mai vegnir tier mei danvons,
40Migieivla camerata:
Dal cantadur pren quei tschupi,
Lai metter en tiu det gl’ ani!
