![]() |
Questa pagina è ancora da trascrivere o è incompleta. | ![]() |
Mierta vegn en la Rezia.
Cul Rein a pèr va il stradun,
Dus frars en allianza;
Salidan quolms de mintga vart,
Sespartan a Briganza.
5 In di, de stad atras ils vitgs
Sper l’ aua brigantina
Vegneva tiel stradun dil Rein
In’ jastra pelegrina. —
Danunder il viadi siu,
10Tgi sa tgeinin’ ei quella?
Tgei vul en quest revier montan
La jastra hirondella?
En Rezia sura seig’ el ius,
Il qual siu cor enquera;
15En Rezia aulta deig’ ell’ ir,
Tiel bi antschess de Cuera. —
„Veis buca viu in viandont,
Vus spundas soleglivas,
In jester, che semeglia mei,
20Passont renanas rivas?
Sablun dil Rein, nu’ ein fistitgs
Dil pei, de la schenuglia?
Veis buca viu miu frar uront,
Vus tgiembels de carpuglia?
25Utschals dil tschiel, veis fors’ udiu
Dad el gia la nuviala? —
Vus lieurs attentas, ei ’l passaus
Leu forsa sur la siala? —
Sulom alpin! Salit e pasch
30Sur tei, sche ti retscheivas
Il sem dil tschiel; lu a flurir
En niev ornat entscheivas!“ —
Has, Rezia, viu gia enzacu
Dunschalla schi virtuusa?
35Princessa veva num avon
La sora gienerusa. —