 |
Questa pagina è ancora da trascrivere o è incompleta. | |
Las tempras virilas ein umbrivadas
Dal puschel de plemas sin casca fermadas;
145Sil nobel cuirass dil tribun militar
Terlischa igl uors, stermentus de mirar,
Sco arma de retica, veglia schlatteina
Cun biars antenats en gloriusa cadeina.
Tiel preses siu bab leu vegn ô sin l’ altana
150La feglia de fatscha sco la tulipana,
Sabina encuera cugl égl la figura
Dil fegl della Rezia, che stat cun premura
Sper sias colonnas pinadas sin via.
Las tibas, trompettas, e corns d’ harmonia
155Muentan il pievel; dal tempel aviert
Cheu vegnan ils frars arvals ch’ han retschiert
Commond de portar en honur il vut
De Mars, il fritgeivel, ch’ ei suenter statut
Ornaus cul tschupi orda spigias salin. —
160Sch’ ti mettas cul fest uegliont en sgurdin
Il formiclèr, baghiau sper la cuscha,
Il svelt pievelet semuenta en truscha,
Encuera il vau sco sepers en la casa;
Aschia sin plazza semova, serasa
165La fuol’ in tra ’gl auter envi ed enneu,
Entochen, che mintgin, tgi tscheu e tgi leu
Engarta compogn e suond’ il vial
En retscha extensa sil til triumfal
De Mars, che carschenta tut quei che verdegia,
170E fa che la spigia e l’ jua gartegia.
Cheu speras vi va zapitschont la stavlada,
Ils umens sco tscheppa de tieua dulada,
Vintrix cun capetscha curom ussa passa,
El dat cul calcogn sco cul mogn sin la massa
175Il fravi, schi stagn, che tut strembla dentuorn;
L’ egliada ei stgira e brutta de stuorn.
Ses fegls seregordan de Belin lur diu,
Al qual ils babuns venerai han unfriu.
Vintschegn, il tavaun, ella barba marmugna:
180„’Gl ei tonaton donn e puccau e vergugna,
