 |
Questa pagina è ancora da trascrivere o è incompleta. | |
„Amitgs, camerads, camineis ton de furia,
65Leis fors’ attacar ils Romans ella Curia?
Ne han Marcomanns surpassau ils confins?“ —
„Nos vegls antenats,“ marmugna Vintschegn,
„Havessan els mo bandischau il striegn!
Nus fegls dell’ Etruria, carschi ellas valls,
70Nus Rets, nus duessan cun mogns e cun pals
Ils dieus dils Romans tut en scaglias pitgar:
Lur Mars, igl anguord, ha astgau engular
Als Rets, a nos babs lur independenza. —
Ha mess en nies pievel sgurdin, decadenza. —
75Romans, nus vegnin, ma nus oz implorein
Ils dieus de nos vegls, las diaultas dil Rein,
Ils spérts, che protegian muletg e montogna.
Retegnan malaura e scatschan malsogna.“
Dal plaun Clavaziel Martial serebetscha,
80In dètg veteran e cun el tut en retscha
La brava fumeglia. Vègn onns cun la spada
El ha seduvrau pils Romans ell’ armada,
Encunter Suevs, Victovals furius.
Ed ussa direg’ el cun bratsch gnarvus
85Il criec en si’ accla, ch’ el ha sco pagaglia
Retschiert per merets de combat e battaglia.
Siu muvel scadeina las stgellas spel Rein,
Leu van pasculont il cavagl e pulein. —
Il fest enferrau enta maun el camina
90Per via entuorn la campagna canina.
Leu stattan semptgadas sil camp militar
Cohortas romanas sco mirs din rempar.
Con ledamein batta al brav veteran
Il cor cu el vesa las roschas, che van
95Cun armas splendentas en loschas colonnas,
Stendent agradsi las fitgadas totonas. —
„Compogns, uardei, ils fegls della Rezia
Emprendan cheu tact, disciplina, spertezia;
Els battan pil vast reginavel latin,
100Ma era pigl agien terratsch alpin. —
Dals onns ded Augustus en Rezia domina
La Roma pussenta, prudenta regina:
Ils botschs e supiervis mo vegnan smaccai,
