Pagina:Decurtins - Rätoromanische chrestomathie, XII.djvu/146

Cant popular.
Tgei aud’ jeu cantond silla via?
’Gl ei sera e notg en la vall —
Tras l’ aria vegn la melodia:
’Glei cant vigurus communal.
5 Ils mats sin la plazza sclarida
Da cor la canzun lain tunar;
La sera ei schi biala, stellida,
La glina migeivel fa clar.
Tut tgeu sin cadruvi e strada,
10Il vitg ei en paisch e ruaus;
Plascheivla ei la serenada
Al cor, ch’ ei contents e beaus.
Domengia vargada, legreivla,
Ha dau niev confiert al luvrer;
15Perquei la cantad’ amureivla,
Che tuna adault tiel clutger!
Aunc ardan cazzolas en stivas,
Il cant anfla leds auditurs;
Il tat, giud las vuschs schi activas,
20Vegn giuvens, udend cantadurs,
Mattauns sper lur matgs sezuppadas,
Retscheivan salids en canzuns,
Sesentan el cor fetg beadas,
Ch’ ils mats ein schi leghers e
buns.
Per comiau alla patria.
Il bastiment el port de mar
Ei paregiaus de viagiar;
Il suffel trai cun moviment
E dil comiau vegn il moment.
5 Ora sin la mar spimonta
Mon jeu resignadamein,
Clomel aunc cun vusch tremblonta:
Patria mia, uss stai bein!
Il commandant dat il signal,
10Cheu trembl’ il cor a bein enqual;
Il bastiment uss disrentaus
Tras auas grondas fa ses vaus.
Tiara franca, cara riva,
Lunsch da tei nus viagiein;
15Pren la larma fugitiva:
Patria mia, uss stai bein!
Egl occident, el mund rient,
Festgina, nav, cun ardiment!
Stai ferms, miu cor, curascha pren,
20Fortuna biars han fatg leu en.
Riva cara, gia svanida!
Sin in auter maun nus mein;
Mo miu cor tei aunc salida,
Patria mia, uss stai bein!
Encarschadetgna per la patria.
Naven da casa sin viadis
La sort ha mei giuado manau.
Hai viu sil mund bia segneradis
E bein enqual stupent marcau.
5 Mo di, miu cor, eis ventireivels,
Dalunsch dal liug digl origin?
Pertgei suspiras, malruaseivels,
Pertratgas vid tiu vitg alpin?
Jeu seregordel dellas pradas
10E dils tschupials dils giuvens onns.
Tgei bialas fiastas celebradas
A casa cun cors carezonts.
O dultscha, cara regordientscha
Ti veglia patria sin ils aults,
15Ti stas all’ olma en preschientscha
Ti fas vegnir miu cor pli caulds.