![]() |
Questa pagina è ancora da trascrivere o è incompleta. | ![]() |
Surmir e Sursaissa sesarvan als égls,
10Leu l’ Albula, Giulia, vegnan en segls
Giu dallas fontaunas cuvretgas en glatsch
E van raschunond da Casti lu a bratsch.
Herox sco gigants, ils massivs montagnards,
Sesaulzan el cor dil Grischun, sin las varts,
15Dalunsch de mirar sco rempars e castials,
Che mo in grond Diu sa scaffir aschi bials.
Uauls e cultiras, bials vitgs ed ucclauns
Naven dals muletgs tochen giu en ils plauns:
In mund per sesez e ded agien lungatg,
20In pievel aunc liber e ferm sin siu fatg.
En quella tiaretta ruaussan satrai
Tonts mellis babuns, culs vivents aunc ligiai;
Il spért dils Fontanas, en veta e mort
Pertgiran la patria e sia sort . . .
25Il zenn neu da Lontsch fa saver il miezdi,
Ils frars els clutgers sin ils aults en rudi
Rispundan da lur vart, da Stierva, da Mons;
Sil prau l’ oraziun di il pur culs affons . . .
Da tonta bellezia surprius, muentaus,
30Sursaissa romontscha, jeu sun consolaus;
Trals larischs jeu mon vinavon sil stradun
Da cor gratulond al pievel grischun.
Il prau de lieurs.
Jeu sai in liug de bien ruaus,
Dal vitg in toc naven;
Leu denter pegns stat bein postaus
In sempel baun de lenn:
5 Osum ’gl uaul sut ina mutta,
En in englar sper la caplutta.
Tschinclaus da pégns ei leu in prau
Empau dad ina vart
Sco in curtin nundisturbau
10Da prigulus malart:
Las lieurs serimnan leu segiras,
E senza tema de sventiras.
Da la caplutta ves’ ins vi
La lieur, che fa termagls
15Cun ses lieurets, el prau naschi,
Aunc fleivels, lonzis cagls:
Quels san aunc nuot da la rueida
Dils tgauns de catscha e lur queida.
Cheu eis ei pasch ils dis de stad,
20Silmeins per in tempset;
El cauld solegl ’gl uaul trai flad
Entuorn il prau quiet:
Stei legras lieurs, vus temeletgas
Nuot metta vus aunc uss en fétgas!