 |
Questa pagina è ancora da trascrivere o è incompleta. | |
La tuor de fier sul camp de Mars
10Lai tscharner sur planiras,
Lunsch ora suls confins sepiars,
Dil grond marcau ti miras.
Lutezia muossa tschiens maletgs
Entuorn quell’ aulta scala:
15In ocean immens de tetgs,
La loscha capitala. —
Adatg! Uss da Versailles vegn
Revoluziun a strada,
Dal vent stemprau gia cun in sgregn
20La tuor vegn insultada.
Il fegl selvadi della mar
Fa vehement’ attacca:
Ei tuna e camegia clar,
Il tschiel termetta dracca.
25Dagl occident agl orient
Ils nibels fan battaglia;
Palaz leu giu e monument
Cuviera la stgiraglia.
Ballontscha er il git curmal
30Dals bufs dil vent garmadi,
Sepeglia ferm pil tschabergal
Lai pér schular gl’ uradi. —
La tuor stateivla el combat
Al ferm orcan resista
35E tuornan calm e tgeuadat
Puspei ruaus acquista.
En furia varg’ il temporal,
Finid’ ei la smanatscha;
Cametgs da lunsch fan lur signal,
40Solegl lai ver la fatscha.
Pli lev, Paris, trai flad puspei:
La tuor stat aunc adina!
In artg en tschiel salida tei,
Sul flum tier la collina:
45O pievel ti parisian,
Pertratga e pareglia:
La tuor de fier u bein gl’ orcan,
Qual’ ei tia semeglia? —
L’ alp devastada.
(Nach Igl Ischi, S. 21, 1912.)
Da Flem vi on Glaruna
Per senda franca buna
Sul quolm ins sa passar.
Dals aults si Segnes sura
5 Tiels plauns giusut ramura
’Gl ual en siu curdar.
En temps antics fretgeivels
Els aults ch’ ein uss sgarscheivels,
Flureva l’ alp pli bein;
10Il tschespet lu tonscheva
Entochen sum e deva
In’ jarva sco in fein.
El plaun si Segnes sura
Catschava la verdura
15En in stupent muletg;
Dadens la tegia stevan
Las vaccas e schischevan
La notg sco en in létg.
En tegia manischava
20In giuven e caschava
Cul latg de bia curtès.
Mo mintgaton el mava
Sin porta e mirava
Engiu viers ils mises.
25Cun gargiament spitgava
Il giuven silla sava
Viseta si dal vitg:
La matta curaschusa,
Ch’ er’ ussa sia spusa,
30Ch’ el vev’ en senn daditg.
