 |
Questa pagina è stata trascritta e formattata, ma deve essere riletta. | |
| 102 | Florin Camathias |
En quel la canaletta fa l’aua tschallatar,
3730Tiel buntadoir ins catscha il muvel per buentar.
Ord ils nuegls maneivels ins auda tschuts bischlond.
Ch’enqueran la vivonda fermai en in cammon.
La cuort ha bia cultira d’arar e de segar,
Fumeglia ha il Sievi dal funds per raccoltar:
3735Giarauns, risdivs, garnezis, per emplenir clavaus,
Ch’ein baghegiai sper casa e spel curtin el claus.
Pli ault si denter selvas sesanflan quolms dil matg,
Ch’atunn e primavera al pur ein d’avantatg.
Al pur jeu gratuleschel, che ha la possessiun:
3740Sil prau ded agen tschespet el stat sco in barun.
Tegn car, o Zievi Liber, tiu bi sulom patern,
E sco in pur de vaglia a quel dai bien guvern!
Lu la schlateina tia po tschentaners flurir:
Al pur solid fideivel franc aud’igl avegnir!
3745O feglia Floribella, jeu hai a ti descret
La nova patria tia: in liug de pasch quiet;
Tiu spus fai ventireivels, ensemen leu stei bein,
Ventir’a vossa casa da cor nus agurein!“
* * *
Il mardis scheiver tuorna a casa selegrond
3750Il de Razen en schletta cun Gielgia d’Aspermont.
Ed anavos tiel Vali, ch’el tegn fetg en honur
Cun la consorta sia serend’il liber pur.
Poesias.
(Nach Igl Ischi, S. 31, 1910.)
La buola ded alp.
Osut in grep en la pistira
Giudem in’alp in’aua nescha:
Fontauna frestga ord mesira,
Carschun stgirverda leu flurescha.
5Digl ault glatscher ell’ei la feglia,
La buola de naschientsch’alpina;
La giuvna legramein surseglia
Ils urs de crap de sia tgina.
