Pagina:Decurtins - Rätoromanische chrestomathie, XI.djvu/98

88 Gian Maurizio

Cioè, la’ i dget, ca ün adoratur
Fedel da la Madonna e dal Signur
195Qualchi plašer nirà ei dumandä,
Ca lee per essar salva vess da fä.
Lee la cradet: e inscia la povra merla
Nit ingannäda da don Cesar Berla.
La cossa per ün temp stet ent al šcür,
200Ma e la fin al pèr e nì madür;
Ca già’ l diš al proverbi, c’al paccä
O tost o tärd as sol manifestä.
La povra matta l’à ciapä ün bignun,
E la n’à giü da fä la confessiun.
205Da la giüstizia al füt arrestä
Al prèr, ca’ l see ingann à cunfessä;
E, giudicä, i an tötč giò la cima,
E i l’an brušä, e (in grazia da la rima)
Um dgiarà är ca i àn stort al col
210Sott la bacchetta dal ser Gian Capol.

SCARTACIN. Quel là l’à giü quel ca l’à maritä,
L’è fors inscia är da Motta ’l curä.
TAMAGN. Da parte mia je nu creg nagota
Gnì da lan stria, gnì dal preir da Mota.

215STAMPA. Quant’e lan stria pö, bel bel compare
Quel da lan stria l’è ün altr’affare.

[p. 103]          POCAL. O eccaši c’al fög at à ciapaa,
Ca qualčhi öil at àn già instriaa!
(Menga e Anin dan ün sai, e Anin vegn ròssa).
STASIA (da sacret e Miòt):
O tü Maria! cas’as à ’vdü mai?

220La Menga e l’Anin an datč ün sai.

MIOT. Quel per l’Anin füss ben ün bun bacun;
Ma lee al la vol per spass, l’altra dal bun.
STASIA. Chi sa? Quii ch’en da certan cumpagnia,
I san fär raba, ca nus cradess mia.
225MIÒT. C’al töja lee nul füss gnanc da panzär,
Sa nu la vess l’ingegn da l’instriär.

(Intant ca quelan dua ciancian fra da leir, i giuvan bütan giò corda e ciancian ognün cun qualčhi giuvna. Tumee büta giò la corda e la Menga, e pö ’l sta sü e guardär or dal balcun).