 |
Questa pagina è stata trascritta e formattata, ma deve essere riletta. | |
| La stria ossia i stinqual da l’amur | 83 |
| [p. 96] | ATTO QUARTO. |
SCENA I.
Stuäda da giuvna cun rocca, füs e mülinei; e giuvan. Fra lan prüma
ANIN, CATIN, MIOT, SUSANNA, MENGA, TERESA, STAŠIA.
Tra i drian: TUMEE STAMPA, SCARTACIN, SOLDAN, GIANOTT, CANT, TAMAGN, GIAN BÖVET, TOGN MALIZZI e GIACUM POCHEL. L’AND’URSINA e la MAMA da MENGA.
MIOT. Guardat Teresa, c’al ser Togn Malizi
Da bütär giò la corda à sempr’al vizi!
TERESA. Intant ca tü sta là e guardär cià,
Ai n’è là ün, ca e tü at la fa.
5MIOT. Ah buzarado vò, ser Giacum Pocal!
Vulev avdeir c’u ciapà ün fargnocal!
POCAL. Sì deman dòi, o ciära! am fa plašeir,
E gnir ün zig rabiusa dav avdeir.
MENGA. Al ser Giacota e la Miot dal Mulin
10Forsa ben preist as dan ün pan - e - vin.
MALIZI. Al füss bun, ca varün nozza fagiess,
Ca stär elegar ün zig um pudess.
POCAL. Je ’n vezz’ün’altra, c’ai tremla ’l barbozz,
Dem ün zig lin, c’um fagia ün maridoz.
15ANIN. Guardà, guardà ’ncusa c’al fög fa presa!
POCAL. Evviva, evviva al Togn e la Teresa!
SUSANNA. Avdè, avdè ’ncusa ch’i passan sü!
MIOT. Je’ m vegn da riar, ca je nun poss plü.
MALIZI. La vossa spiegaziun quasi am spaventa:
Indua vessum da tör tanta pulenta?
TERESA. Quel là’ l füss bun per vò, ser Gian Bövet!
Vò, c’u vè raba, e u sè fì sulet.
25BÖVET. Per mi nu nirà mai e’ m maridä,
O ca varün am vess da instriä.
SOLDAN. Er quel l’è raba, ca pudess rivär;
Sü Našarina al scumenz’e bitär.
STASIA. Spirat o stria, quel nus sà ben dir;
30Ma ün grand urizi i vevan fatč gnir.
ANIN. O l’è varün, ca’ s tö’ l divertiment,
Da mettr or raba e spavantär la gent.
6*
