Pagina:Decurtins - Rätoromanische chrestomathie, XI.djvu/276

266

Caspar Bardola

Podiant ün u loter dals polizists toccar il vesti da quel chi mütscha, avant ch’el arriva in seis post, schi ais allura quel tschüff e crouda our dal giö. Il giö continua usche inavant, fin cha ün parti u l’oter ais diminui fin sün ün sulet.

3. Il giö dals gnious.

Pro quist giö vain fat sün ün grand circul — fouras nel terrain nomnà gnious — pero ün gniou main dal numer da mattas, chi giovan.

In mez il circul vain fat oura ün bügl, nel qual la comandanta tegna laint seis bastun, e cumanda allura ch’eir tot las otras tegnan lur bastuns nel bügl.

Uossa declama la comandanta il contschaint vers:

La gialina sot ün tschep,
fa seis gniou e ha dalet,
metter qua seis övs;
Plain d’algrez’a quist seis far,
da principi cun chantar:
coca, coca, coca — — d’öv.“—

Insembel cun la silba „d’öv“festinan tot las mattas a tegner lur bastuns, minch’üna in ün gniou vöd, e quella matta chi non chatta gniou, serva al divertimaint da tot las otras; ha pers partida e sto per seis chastig, tour allura seis post pro’ l bügl, sco comandanta, e’ l giö segua inavant.

---

Volksmedizin.

Erbas e plantas medicinalas, unito l' adöver.

1 Proverbial.

Per ils paurs dell’Oengiadina, ais rascha dadoura e vinars dadaint, la megldra medicina.

2 Vinars genziana ais rinforzand pe’ l stomi, promova l’apetit, rinforza las nervas, schoda nel fraid e rinfraischa cur ch’ün ais in süurs.

3 Vinars da günaiver, ais eir rinforzand pe’ l stomi, s-choda nel fraid e calma las dolurs nel vainter.

4 La grappa, o sia vinars dad üjas ais eir rinfrais-chand ed animand.

5 La rascha, spezialmg la rascha del schember, non haviand quella, serva allura eir la rascha del petsch (pin) fand ün flaster stigl cur ch’ün sofra mal la rain, sco pür pro bottas e schmachadas, tira quella