 |
Questa pagina è stata trascritta e formattata, ma deve essere riletta. | |
| Hochzeitsgebräuche | 245 |
allura ils infants a lur plaschair, nel Favrer fan lur hom d’ naiv e nel Marz lur hom d’ stram, intant cha la giuventüm, tegna sper latmilchs seis balls d’allegria, e seis grandius divertimaints.
18. Matinadas.
Nella prüma mitad del Schuer, fan allura eir ils infants in Ramosch lur past da matinadas, uni cun ün ball fin mezza not, sot la chüra dal magister, dal cusaigl da scoula e dals genituors. La medema survaglianza ais in tuot l’Oengiadina, ogni votta pro ball d’infants.
19. L’hom sulvadi.
Gniva medemamg expost al public a pro divertimaint, cun sia musculatura gigantesca — ornà cun dascha e barbas petsch, ais eir schvani ed invlidà cun exepziun dal comün da Sent nell’Oengiadina bassa, ingio ils buobs à Nossa duonna fabrichan sün la plazza lur hom d’ naiv eir ornand quel — cun dascha e barbas petsch — per ans trar a memorgia l’hom sulvadi d’inallura.
20. La poppa d’ stram.
Il brüschar la „poppa d’ stram“nel temp da mezza cureisma ais nell’Oengiadina eir schvanida, cun exepziun dal comün da Scuol, ingio ils infants amo tot hoz, in diferents contegns sü’ l liber la saira d’ not intuorn „Nossa duonna“ardan lur poppas da stram e roudlan lur culas d’ fö e ballas ardentas gio da costeras, per ans trar a memorgia less antics divertimaints.
Hochzeitsgebräuche.
1.
Siand a less temps, la giuventüm in base general’üsanza haveiv’il dret, da pendrar üna spusa quantbod quella passeiva gio il teritori da sia comunità; ingio il spus allura haveiv’il dovair da schlubgiar la spusa, pajand las spaisas occuorsas cun perchürar e pendrar, cun altra amo s’inclejer bunariamg a dar alla giuventüm d’ogni lö, ingio quella gniva pendrada, ün rich bunaman.
A scopo guinchir oura dittas malas spaisas e dar amo in ultra als diferents partids, eir l’allegramaint da lur reuschida vendetta, laschet il spus secrettamg tras il Revdo da Majenfeld, ordinar ün grand butschin, ingio la spusa podeiva in quel havair ses comods e sezzer pacific, il qual allura gnit tras ün veturin secret — hom eister — condüt sur „Güglia“sco ün coll da merchanzia da Majenfeld a Ramosch.
