 |
Questa pagina è stata trascritta e formattata, ma deve essere riletta. | |
| Poesias | 165 |
AGOSTINO STAMPA.
Poesias.
Sül Piz Duan.
Dal bel Piz Duan, cur ca spunt ’al dì
Um amira’ l noss bel chèr pajis;
Quella dulca val cui se löghet pitt
Tra lan föi’ al teĝt dal me ban nig.
:: O tü Visavran! al me lög natal!
Fra l’Albign’ei crepp dal Piz Duan! ::
Al vadretg al lüsc, iss ca leiv’al sul,
Üna cega quatta tütt la val.
Glor’iel Creatur, cantan i pastur,
10 Cur c’ lan vacca sünt al pascual van.
:: O tü Visavran! al me lög natal!
Fra l’Albign’ei crepp dal Piz Duan! ::
Sül bel ciel saren, lan nüvletta van;
Lan campana’ s sent da S. Casciàn,
15 O quel dulc sun quiet am fa gnir ement
La Grandezza sur al firmament.
:: O tü Visavran! al me lög natal!
Fra l’Albign’ei crepp dal Piz Duan! ::
Tramuntà l’èl sul cul se bel splendur,
20 Preist la lüna spunta drè i munt,
O tü bun Signur, cul tè grand’amur,
Seiat sempar al noss Prutetur.
:: O tü Visavran! al me lög natal!
Fra l’Albign’ei crepp dal Piz Duan! ::
Canzunetta dii pastar.
O pastar d’ la Furcela
Stet sü sempar cuntent
Ca sü quista valläda
Al boffa sempar al vent.
5 Incus ca l’è mai bel
Sot al ceil saren
Cunt i see tgiär arment
Ass sa stà insci ben!
Guardà quel riäl d’aua
10 Ca passa giò da lò,
Lè insci freišca e claira
Ca la fà ben per nò!
Guardà quellan vacchetta
Incusa ca la maian sü
15 La freisca bela erbetta
Chè appena spuntà sü.
