Pagina:Decurtins - Rätoromanische chrestomathie, XI.djvu/131

La stria ossia i stinqual da l’amur

121

545 ANIN. No. Dio guarda! Je un füss salväda:

[p. 144]                    Ma anch cu la tortüra turmantäda.

Dree la mi mort però s’ul vulè fär;

Šì fagiel pür, pel mee unur salvär.
Massima iv preg, dal dir e üna parsuna,
550Ch’ii vöi forsa trop ben, ca Dio’ m parduna!
STAMPA. Per quel nun abià tema dal Signur,
Ca Lü l’è quel, ca cumanda l’amur;
Pür ca l’amur sea fedel, sinceir,
Sì per quel là nu l’è da veir panzeir.
555Da dašmancär čhi èl c’u nu sè buna?

ANIN. Al Tumee Stampa l’è quela parsuna.

Quel è sempar present e la mi ment,

Je nul poss dašmancär gnanc’ün mument,
Lü l’è quel, ca el me cor prem’al da plü;
560Perfin ent al pragär je penz e lü.
Sì dgei, o ciär, dgei, ca nul crega mia,
Ch’i agia fatč dal mäl, gni ch’i sea stria;
Dgei c’al me cor lü sempar amarà,
E la mi ment mai nul dašmancarà
565Infin ch’i viv, e in l’ura dal murir
Al sarà lü al mee drian sušpir.

(Tumee bütta giò la cappa, e corr via per la ciapär ciò pel col).

STAMPA. No, nu cridär, tü dulč’ anima mia!
No, je nu creg, ca tü sea üna stria!
ANIN (as tir’in dree spavantäda)
Sciur reverendo! è ’l quel lò l’esempi,
570C’u det ei altar da nun essar empi?
STAMPA. Ma num cagnošat, o tü ciär cor mee?
Guardum ben ben! Je sun al tee Tumee.
ANIN. Ah, casa dgev? Nu sev al tentament,
Ca trasformaa vegn e’ m torblär la ment?

[p. 145]         575 STAMPA. Sì, ciär’Anin! Je vegn per at tantär,

        Ca tü ’m dea la man per at salvär.

ANIN. O ciär Signur dal Ceil! o bun Gesù!
Ma et propi tü? et propi, propi tü?
STAMPA. Pudessat dübitär anc dal me dir?
580ANIN. Je dal plašeir . . . im sent . . . . dabot . . . murir!
(Tumee al la sustegn).