Pagina:Decurtins - Rätoromanische chrestomathie, XI.djvu/125

La stria ossia i stinqual da l’amur

115

SCENA IV.

MATURO e TUMEE STAMPA.

MATURO. Dree quel c’um vè quintaa, ciär ser Tumee,

345Ca l’è inocenta im sun persuas är je:

Ma nus tocc’e nualtar giüdicär,
E l’è già giüdicaa. Casa pom fär
Nualtar mai? altar cu Dio pragär,
Ca in la si grazia al la vöja accettär?

350STAMPA. Sì, šì: quel là l’è är al mee panzeir;

Ma tüttavia, d’am fär ün plašeir

Je ’v preg, s’u vè ün cor, ca sent pietà,
E s’u vulè, ch’i stima i riformaa.
Je sa, ca vò duman u vè d’indär
355In la prašun da lee, e la cunsulär,
La paragiand e fär l’ültim camin,
Ca da la vita al la mena e la fin.
Ch’i väd’ent je invece am lascià,
E i voss vastii per quel am imprastà.

360MATURO. Ma parciee mai? ma ìncus’al possa fär?

El mee uffizi je nu poss mancär.

[p. 137]                    E as truvassus vò in condiziun,

Dai där in quist mument cunsulaziun?

STAMPA. Santì, e quela giuvna i port amur:

365Um as è datč la parola d’unur,

Da mettar in ün mazz lan nossa šort,
E nus abbandunär fin e la mort.
E ben? num trova forsa in condiziun,
Dai där in quist mument cunsulaziun?
370Sa i nos cor u vulè fär cuntent,
As lascià gnir insemal quel mument!

MATURO. O dia, dia! Ma vessus al cor

Da stär cun lee? da la cumpagnär or

Fin sott la forca? da l’avdeir spirär,
375Senz’av där da cagnosčar, gni tramlär?

STAMPA. Je sper ca šì; je sper in quel lassü,

Ca la forza dal fär am deia lü.

MATURO. In guera im trov fra’ l cor e la rašun;

Da dir ca no, o Dio! i’ nu sun bun!

380Pardunum tü, s’i manc el me ufizi,

8*