Pagina:Decurtins - Rätoromanische chrestomathie, XI.djvu/109

La stria ossia i stinqual da l’amur

99

URSINA. Je sper tütüna, är ca lur fencia fagian,

Da nun santir, šì ca riguard i agian

[p. 116]                    Per lan premüra, ca um as à datč,

580Da quela mat’e ciarcär al vantagg.

STAMPA. Da l’innocenza je sper c’al Signur

Sarà ent ün möd, o in l’altar protetur.

Issa ün zig intorn je vöi girär,
E ’vdeir da quel casa c’as sent cianciär.
(Al va).

585URSINA. Vè pö e m’al dir: intant Iddio as giüda!

La giunfra Menga m’à ditč, ch’it salüda.

L’è già davent, e nu l’à gnanc badaa
El me salüt. Al vent as è müdaa.
Issa dabot är je scumenz’e veir
590Da quist’istoria ün zichet panzeir.
La Menga è mezza morta dal spavent,
E je, e je ent al mee cor je sent
Ün cert affann, ch’i nu sà incusa dir,
Ca infin in issa i nu sulea santir.
595Infin in issa sempr’i à cradü,
Ca fär cun blozgar tüt as vess pudü;
Ma in quist cas je à propi d’avdeir,
Ca’ i è vargót, ca pò plü cu’ i daneir.
(Giò la tenda).

SCENA VII.

Sedüta dal craminäl.

Al PUDASTÀ cula bacchetta. I GIÜRAA cun späda e cappa neira. Dopo l’ANIN e i Dagan.

PUDASTÀ. Sciuri giürä! Ormai i costitüt

600En tütč prelett, e u vè santì tüt

Quel ca la depütaziun à rilevä,
Quel ch’è statč cunfessä e cunfermä

[p. 117]                    Sia de plano, sia sü la tortüra

Da l’incolpäda, tenur procedüra.

605Issa, signori! iv vöi vè dumandä,
S’al basta, o ältar esami u vulè fä.

7*