 |
Questa pagina è stata trascritta e formattata, ma deve essere riletta. | |
| Wilhelm Tell | 267 |
L. JUSTINIAN LOMBARDIN.
WILHELM TELL
verti a sentimaint in Ladin da Müstair.
(Annalas, Terza Annada, p. 95 — 225)
| [p. 96] | DEDICAZIUN. |
Am chatt in sonch dovair
D’offrir quist cudeschin
A Lemnius da Müstair,
A tai, meis convaschin.
5Il mett sün quella fossa,
Chi querna tia ossa.
Ün’aria hain trondü,
Et üna vall girá,
Ün’ana hain baibü,
10Il pled medem chaunchá,
L’istessa soncha Musa
Piglettan nu per spusa.
Però parduna tü,
Scha jau m’ingual cun tai,
15Sun pitschen da virtü,
Tü eisch et restasch rai.
Tü erasch la pusauna
Da Benedett Funtauna.
Vertittasch il Homer,
20Jau n’ha il Tell vertì,
Ün bell et nöbel pér,
Ün bröl et jert sfluorì;
Teis laud perquai risuna,
In mincha vall grischuna.
| [p. 137] | Seconda scena. |
Lö: Un prá serrá aint da ats cripels et d’ün guad. Süls cripels sun truóis cun spaunguas e s-chalas, sün qualas sa veza pü tard gnir jo omens del pajais. A fond sa vezi il lai, sur qual stá ün son martín fuormà dalla glüna. Munts et vadrets seran jo il prospett. Sül teáter regna s-chüra nott. Lai et vadrets sun sclerits dalla clerglüna.
Persunas: Melchthal, Baumgarten, Winkelried, Meier da Sarnen, Burkhart sül Döss, Arnold da Sewa, Claus della Flüa et amó 4 aters patriots, tots armats.
Melchthal (amó invisibel).
Am seguì pür spert!
Il truói eis avert.
Qui la parai, a lá la cruschetta,
Patriots, la cuntrada eis la retta,
Nu eschen sül Rütli.
(Cumparan cun lanternas.)
Winkelried.
Quiet!
Arnold da Sewa.
Tot vöd,
Meier da Sarnen.
Non sa veza ningüns,
Nu da Sottsielva eschan ils prüms.
Melchthal.
10Las quauntas sarai?
Baumgarten.
Las duos, tenor il sbrai
Del guitàder da Selismunt.
Meier.
Quiet, las ureglas a munt!
