 |
Questa pagina è stata trascritta e formattata, ma deve essere riletta. | |
| 232 | Florin Pitsch |
JESUS.
O chiar meis cor — o mamma mia!
Refüd’intaunt a deplorar,
Quai non eis potenza mia,
A Dieu sia vögla stosch surdar.
85Meis bab in Ciel ha svess permiss
Passiun et mort hal lung previss
El m’ ha inchiargià la spendraschun
Per totts ils crims quant gronds schi sun.
MARIA.
O chiar meis Jesus et uffaunt!
90Eir quist röv ma tschuncas jò,
Da spür schagrign no pò inavaunt,
Et a momaints jau stögn dar jò
Amò ün atter vö gujar
Et roar senza ceder,
95Et quel da cor spranziar
Chia quel ma stosch conceder.
[p. 5] JESUS.
O cor dolaint, chia vosch amò?
Co possi ta quietainter?
Tias pitras larmas terscher jò
100Per non ta plü dolainter,
Non poss ta vezer cridar
Et jau non poss decidar,
Chia terribel pais eis quai?
Chi sguitscha a mai e Tai?
MARIA.
105A quis dolur non poss resistar,
Meis cor defatt sa schmatscha,
Scha plü non poss aquistar,
„Schi stendi or’ mia bratscha:
Un atter röv admettam,
110Nom’ laschar plü languir,
O chiar uffaunt permettam
Pudair con tai morir!
JESUS.
O quai non eis defatt possibel,
Et mai po gnir a star,
115Il cas gniss plü terribel
A Dieu ta stosch surdar,
Be da mai sulett dependa
Chia tott il mond jau spendra,
Mia mort meis bab dumonda
120Et ell uschè cumonda.
[p. 6] MARIA.
Co eis possibel tal cuffort?
Chia nhaja da meis uffaunt,
Quist eis mia povra sort
Per taunt chia nha suffert avaunt
125Con pazientia instancabla,
Ma quist’eis düra et tott da növ
Crudel’impronunziabla,
A ma disdir quist röv.
JESUS.
O chiara mamma, il temps eis quà.
130Chia pigl cumià decis,
Ta benedind bain milli jà
A Tai et nos amis.
O Mamma dolorusa!
O Mamma uschè larmusa!
135Jau t’ingraz per taunt amur
Dieu surlevia Tia dolur.
MARIA.
Jau ma bütt avaunt Teis pës,
Meis figl, thesar et vitta!
Ta vö compagnar con ils meis
140Almain schi quai chi sitta.
O sün quels lös chia jau m’inpais!
Ingiua savent m’asch cuffartada
Con lear e quintar dutsch extais
Et taunt m’edifichiada.
[p. 7] JESUS.
145O cor matern oss’eis decis.
Non cridar plü ne ta tormaintar,
Qua sun surdat als inimis,
