Pagina:Decurtins - Rätoromanische chrestomathie, X.djvu/249


[Historias biblicas] 221

obbedentia. Con chia reverenzia et devoziun sara alla intratta nel taimpel, et aquà ufri nel taimpel sün sia bratschia al bab celestial seis ungenit. El portet eir sco chi era comonda loferta dels povers ün per juvnas tiblainas, perchia ad’ufri ün agne erla massa povra. Ma Maria ofrit da cor, et quai plaschia al Segner al plü bain. Sacerdot et pövel quai vezetan portar l’uffaunt Jesu nel taimpel non cognoschetan et non s’impissetan chia chia quel uffaunt sia. Els eran massa inprofans. Solum a pacs laschet Dieu asavair in Jerusalem. Quà vivet ün honorabel velg col nom Simeon. Quist sur tot era jüst et da tema da Dieu. Plain dessideri spetet el sülla consolatiun d’Israel et sül spendrader dels crastiauns. Il s. spiert qual era in el, tal havet dat quista divina promissiun, chial non vezera la mort avaunt co chia el non havera dat öl a Christus l’ongü del Segner. Intaunt chia Maria et Joseph eran amo cul uffaunt nel taimpel, gnit Simeon tras interna comoziun del spiert sonch eir aquà via. Cura chia Simeon ogliet l’uffaunt Jesu, cognoschet el dalunga il ventur salvader in el, pigliet il s. uffaunt sün sia bratschia, et clomet con üna ogliada vers il Ciel: „Ossa Segner, lascha spirtar teis serviaint in pasch a qua via sco chia tü m’hasch impromiss. Perchia ossa n’hai viss con meis öls la salüd chia tü hasch prepera per totts ils pövels, la glüm per sclerir ils pajauns et la per teis pövel in Israel.“Con ün cordiala amiaivla ögliada s’ volgiet il prus vegl ossa pro Maria la mama et dischet: „Guarda quist uffaunt qua gnira per blers in Israel. Un contradimaint del jüramt sara el. Ils impissants da blers cors gnira el da chiachiar ora colla glüm. Tras tia aignia orma gnira da trapassar una spada. Simeon tavellet amo quà gnit naun pro Aña üna guaifda da 84 oñs. Ella era gnü veglia in gronda serieta. Dieu talla vögliet far quista alegrezia da vezar il salvader cols öls. Ella laudat con Simeon, chianchiuns da Dieu, et quintet amo attras bain intenziun das e quai chella havet viss. Dieu s’ da jent da cognoscher a quels chil chierchian.

[f. 41v] La 8. Historia.

Ils sabis or dell’Orient.

Il Salvader era gnü in quist Mond et solum pacas nobilas ormas sa allegrettan in quieteza. Ils blers in Jerusalem et in Israel non savetan amo neauncha ün pled da quai. Ossa vögliet Dieu laschar asavair a plüs della naschenschia da seis figl. Con üna jada gnitan ora d’ün alontant pajais ingiua chi jet sü il solaj, trai notabils homens. Lur prüma dumonda era: Ingiua eis il nov natt raj dels jüdeas? Nus havain vis sia staila nel Orient et eschen gnüts per l’adurar. La vegnida da quists trai notabils homens fet grond tumult in Jerusalem. Il raj sa stramit da seis thrun