 |
Questa pagina è stata trascritta e formattata, ma deve essere riletta. | |
| Il Cristiaun Catholic sül viadi vers l’eternità | 205 |
Sco chia El haveva promiss per saimper a nos babuns, — ad Abraham a sia descendenza.
Gloria Patri etc.
Antiph. Nu confessain con tott noss cor e con la bucca a tai, o Bab non generà, a tai Figl unigenit, a tai Spiert sonch il consolader — la sonchisna indivisa Trinità; nu ta laudain e glorifichiain; a tai sia honur per saimper.
V. Segner exaudescha mia oratiun.
R. E dalda mia gusch.
| [p. 171] | Oratiun. |
O Dieu, del qual la misericordia non cognoscha fin, e sia buntà eis ün infinit thesar; nu ringraziain eternamaing a tia benigna Majestà per tottas grazias chia tü ans hasch compartì, supplichiond a tia infinita misericordia, chia l’ans conceda la grazia da podair ambular tras quists bains temporals in tal maniera, chia non perdan ils eternals. Tras noss Segner Jesum Christ teis Figl, il qual viva e guverna con tai et il Spiert sonch d’eternità in eternità. Amen.
V. Segner exaudescha mia oratiun.
R. E daldai mia gusch.
V. Laschans benedir al Segner.
R. Dieu sia ingrazià.
V. Las ormas dels fidels vöglian tras la misericordia da Dieu repossar in pasch.
R. Amen.
Il Segner ans detta la pasch, e la vita eterna. Amen.
Möd per unfrir sü las Vespras.
Il laud da tia suprema Majestà chia n’ha ossa pronuntià devutamaing, sia unfrì sü a tai, o ss. Trinità! Accetta quel in grazia e ta lascha complaschair del medem, cioè per ingraziamaint da totts beneficis compartits a mai e totts atters cristiauns, perchià tü ans hasch creats, [p. 172] spendrats, santifichiats et adoptats per teis uffaunts, ils quals nutreschasch, mantegnasch et inrischaintasch amò adüna con teis s. sacramaints e grazias. — Per quella et amò bleras attras grazias ta rendaini eterna laud, gloria et ingraziamaint, ossa e per tott l’eternità. Amen.
