 |
Questa pagina è stata trascritta e formattata, ma deve essere riletta. | |
| 204 | P. Aaron Caratsch |
Himno.
Ascenda hoz avaunt voss thrun
Il bun odur da noss’offerta,
[p. 169] Ah! quista flaivla devotiun
Pigliai da nu con bratsch’averta.
Nu totts, o Bab, ans cognoschain
Con rett per creatüras povras;
Nu totts sincèr eir confessain
Chia flaivlas sian nossas ovras.
Perquai, o sonchia Trinità!
S’uffrin ils merits del Salvader,
Et in quist möd accept sarà
Bain eir il laud da mai pechiader?
Al Bab etern e seis sonch Figl
Sia laud e gloria saimpermà;
Insemel eir cul Spiert divin
Laudain per tott l’eternita.
V. Laschans benedir al Bab, al Figl et al Spiert sonch.
R. Nus al lain laudar et honurar in etern.
Antiph. Nu confessain con tott noss cor e colla bucca a tai Bab non generà, a tai unigenit Figl, et a tai Spiert sonch il consolader — la sonchia indivisa Trinità; nu ta laudain e ta glorifichiain; a tai sia honur per saimper.
Il Magnificat.
Mia orma magnifichiescha al Segner, e meis spiert s’ha allegrà in Dieu meis Salvader.
[p. 170] El ha riguardà l’hümiltà da sia serviainta, perchiai las generatiuns d’ossa in via ma nomnaraun beada.
Siond quel il qual eis potaint, e da qual seis nom eis sonch, ha operà grondas chiassas in mai.
Sia misericordia sa dilatescha da generatiun in generatiun sur da quels chil teman.
L’ha exercità pussaunza con seis bratsch, et ha dispers a quels, chi s’insuperbivan nels impissamaints da lur cor.
Ils potaints hal sbanià del thrun, et ha exaltà ils hümils.
L’ha impli ils affamats con richezzas, et ils richs hal laschà in povertà.
A seis serviaint Israel hal acceptà, e s’ha regordà da sia misericordia.
