 |
Questa pagina è stata trascritta e formattata, ma deve essere riletta. | |
| Il Cristiaun Catholic sül viadi vers l’eternità | 203 |
Dall’Orient fin al Occident, eis il Nom del Segner laudabil.
Il Segner eis exaltà sur totts ils pövels, et sia magnificentia surpassa als ciels.
Chi eis sco il Segner noss Dieu, il qual habitescha in l’ateza, et guarda la basseza in ciel et in terra.
Jüst eis il Segner in tottas sias vias, et sonch in tottas sias ovras.
El eis vaschin a quels chi l’invocheschan et exaudiescha a quels chi suspiran cordialmaing vers el.
El adimplirà la vöglia da quels chil teman; el als exaudirà lur oratiun et als farà beats. Gloria patri etc.
Antiph. Laud sia al Bab, et a seis egual figl, sco eir a tai Spiert sonch sia medemamaing eterna gloria.
Antiph. Ora da qual eis tott, tras qual eis tott, et il qual eis tott, — a quel sia honur a saimper.
Il quint Psalm.
Laudai al Segner dels ciels, laudai al Segner in l’ateza.
Laudai al Segner totts ils anguels, laudai al Segner tott las forzas.
Laudai al Segner solai et glüna, laudai al Segner tott las stailas et glüms.
[p. 164] Laudai al Segner vu ciels dels ciels, e tott las auas chi sun sur ils ciels dessan laudar il Nom del Segner.
Lauda al Segner tü terra, laudai al Segner tott las auas.
Il fö, la tempesta, la naiv, il glatsch et ils temporals; ils munts, ils döss e tott la boschgia früttaivla.
Vu, o rajs della terra e tott ils pövels; vu princis e jüdischs della terra: vu juvens e juvantschellas, vu vegls et juvens, laudai et superexaltai il nom del Segner.
Laudai al Segner in sias forzas: lauda’ l sovainter sia infinita grondeza.
Lauda’ l col sun della tuba, lauda’ l con arpas e chitaras. Lauda’ l con instrumaints musicals; lauda’ l con guschs et orgnias.
Laudai al Segner totts ils spierts; e tottas creatüras glorifichiai sia majestà. Gloria patri etc.
Antiph. Ora da qual eis tott, tras qual eis tott, et in qual eis tott, a quel sia honur a saimper.
V. O profundità dell’infinita sapientia et scientia da Dieu, co incomprensibels sun teis judicis, et co imperscruttablas tias vias! Rom. 4.
R. Dieu sia ingrazià.
