 |
Questa pagina è stata trascritta e formattata, ma deve essere riletta. | |
| 202 | P. Aaron Caratsch |
Il pietus e misericordiaivel Dieu eis fitsch patiaint e tolerant.
Il Segner eis amiaivel ad ün e schgiadün, e sias comiseratiuns sun sur tott sias ovras — Perquai ta dessan benedir totts teis Anguels, e totts teis Sonchs ta dessan glorifichiar.
Els dessan publichiar la magnificentia da teis rajnom, e quintar tia omnipotentia e buntà.
Mia bucca dess pronuntiar il laud del Segner, e tott la chiarn dess glorifichiar seis sonchissem Nom.
Gloria Patri etc.
Antiph. Laud et eterna honur sia a Dieu Bab, et al Figl, et al consolader il Spiert sonch per tott l’eternità.
Antiph. Honur e laud dess risonar nellas buccas da totts, ringraziond eternamaing al Bab, al unigenit Figl, et al Spiert sonch.
Il terz Psalm.
Benedescha al Segner mia orma: e tott quai chid eis in mai dess glorifichiar seis sonchissem Nom.
Exaltescha mia orma a teis Dieu, e non imblüdar il bain chial t’ ha fatt.
[p. 162] El t’ ha benignamaing remiss totts teis missfatts, et ha guarà tottas tias debolezas.
El ha conservà tia vita della perditiun, e t’ ha incorunà con misericordia e pietà.
El non ha procedü con tai sovainter teis pechiats, e non t’ha rendü sovainter teis missfatts.
Sco ün Bab ha comiseratiun sur seis uffaunts, uschè s’ ha Dieu laschà gnir compassiun da tai.
Perquai al dessan benedir totts chiars Anguels, e tott las potestats del ciel annuntian seis laud.
Totts serviaints dell’ Segner, benedi al Segner, e tott las ovras del Segner laudai seis nom.
Benedescha al Segner mia orma, et collaudescha dapertott sia gronda misericordia. Gloria Patri etc.
Antiph. Honur et laud risuna in minchia bucca al Bab, et unigent figl, et et al Spiert sonch con sempiterns ringraziamaints.
Antiph. Laud sia al Bab, et a seis egual Figl, so a tai Spiert sonch sia medemamaing eterna gloria.
Il quart Psalm.
Laudai al Segner, vu serviaints del Segner; laudai il sonchissem Nom da Dieu.
[p. 163] Benedì sia il Nom del Segner dad hossa infin in etern.
