 |
Questa pagina è stata trascritta e formattata, ma deve essere riletta. | |
| 200 | P. Aaron Caratsch |
dits solitamaing vegnen dishonurats, e specialmaing veglia sur tia liaunga, — Sch’ün craja d’esser bun, e non refraina sia liaunga, schi s’ingianal, e sia pietà eis vauna. Jac. 1, 6. Perquai dessas 1. Non discuorrer massa bler, perchià pro ün chi discuorra massa bler non mancan pechiats. Prov. 10, 19. 2. Schgiva discuors malhonests, perchià quels corrumpan ils buns costüms. 3. Non discuorrer cunter l’honur del prossem. 4. Non discuorrer cuntra tia aigna persuasiun. 5. Maina discuors spirituals con teis uffauns e sudits da chiasa: examineschals dalla predia e duttrina, e del frütt chi haun laprò profittà. Schi non saun risponder schi minachials chiastjs per la jada prossima, [p. 158] et als metta eir ad effett. Per quista jada proponals tü qualchiassa, e mossals co chi haun d’applichiar.
Dal servezer divin davo mezdì.
Il servezer divin davo mezdì consista in la Duttrina, Vespras, Rosari e visitatiun del s. Sacramaint dell’altêr. — Dalla Duttrina eis digià trattà, et eis d’observar quellas reglas applicablas pro la predia. Il pled Vespras, vol dir devotiun della saira, et ans metta a memoria quel sonch costüm et sü chials prüms cristiauns havevan, quai eis d’as congregar la saira e far lur oratiun in comünaunza. Imitainals almain la domengias e festas; per tal effett segua una salüdaivla instructiun e formula con alchüns psalms da David.
Oratiuns per las Vespras.
Ils seguaints Psalms sun compilats ora dal psalterio da David. I s’ha perquai cernü specialmaing quels texts dels s. psalms, ils quals contegnan il laud divin et ans rememorizeschan seriusamaing sin la buntà e misericordia, et ans animeschan quatras alla confidaunza et amur. Perquai sa dirà quels con grond frütt, specialmaing in dits da domengias o festas sott las Vespras o eir a chiasa.
Bab noss, Ave Maria e Credo etc.
V. Segner, riva mia bucca!
R. Afin chia lauda teis s. Nom.
V. O Dieu, attenda sün meis ajüd!
R. O Segner, ta festina da ma jüdar!
Gloria Patri etc. Sicut erat etc.
A tai, o Bab celestial, sia eterna laud, ringraziamaint e gloria, chia tü ans hasch [p. 159] vöglü dar teis chiar unigenit Figl. Non guardar sün mia indegnità, ossa bain sülla fatscha del medem, et hajasch misericordia da mai.
A tai, o etern Figl da Dieu! sia honur, laud e gloria, causa chia tü ans hasch mossats uschè gronda chiarità a nu povers pechiaders sacrifichiond tia propria vita per nu.
