![]() |
Questa pagina è stata trascritta e formattata, ma deve essere riletta. | ![]() |
Obligs dogni Offici | 183 |
[f. 56v] | Vus sigrs dal Saidesch observarauet. |
1.) Chia il rodel per ils officis in noss Terzal ordinà nun vegna negligi ne interot, mo chia vegnia ad ogni mantun & comün comparti ils officis & plazas chil pertuochia.
2.) As flisagaross à tuott voss pussibel da elleger homens quallifichiats pro ils officis chi vegnen elleds.
L’hura ils vain prellet il contenutto dal saramaint.
Vus sigrs dal Saidesch asumarauet huossa cun detta stendüda per stret güramaint avaunt voss güdisch terester & avaunt Dieu chi perscruttescha ils cors & ils ranuolgs dal hom & veza tuots noss impissamaints & jdeas. Vus jurauet nempe, da far ün fidel & güst adôver dalla grond’authoritad chal Terzal as confida & usche da far in quant mai possibel et chia las circonstanzas permetten, üna prudaint ellectiun sainza reguard d’amicitia o dischmicitia, ê sainza retschaiver duns particollars ô mallas apusaivlas recomondatiuns; item havair in ölg las circonstanzas et il bain public, ê privat, rifletand bain las sequellas chi poun resulter our d’üna mal [f. 57r] ponderada ellectiun, d’ün sullet di chi dürra voss uffici et mals dün oñ inter & plü, item jürauet d’agir & sequïr tenor ils motivats articuls & ledscha senza fraud & malla fai taunt vaira co havair da render quint al Divin Ellectur & Legislatur avaunt seis jüst jüdici.
Formula dal Saramaint.
Tuot quai chi m hais prellet — & da mai bain inclet — promet fidelmaing — da sieuver & salvar — taunt vaira co chia Dieu & la sonchisma Trinitad m’asista. Amen.
Obligs dal Landama.
Ils quals medemamaing dopo compars & cun ün adequat dischcuors manifestà si’ ellectiun, schi il vain cun tuotta forma tras il scrivond prellet il sequent:
1.) Promover il Plæd da Dieu ê dalla sonchia Baselgia & vend° Ministers da quella.
2.) Protteger & promovair la santificatiun dal dy dal Sabath.
3.) Protteger tuots güsts dretts dal Tersal.
4.) Proteger l’orphen & la vedua tenor proveda la Ledsch’& jüstia retscherchia.
5.) Gnand as manifestar mal indicis unitto il Fisco inquirir il mal & insembel al corp da Magt. punir quel, tenor Ledsch & merit, accio il [f. 57v] bain & bun orden vegna promovü.
6.) In tuottas causas civillas, schi sun damicabel, schi decider insembel al Magt tuot quai chia jüst & apusaivel ais & schi va per jure, schi