 |
Questa pagina è stata trascritta e formattata, ma deve essere riletta. | |
| Cuortas e devotas Oratiunetas | 121 |
Dio, — a vo atissen - infinit Bain, il qual vo eischat deng da tot’amur, O meis dutschissen Jesu! — o fidelissen - divin Spus da mia orma! — ah! — s’havess jau mai offais! — mo da qua inavaunt im propon jau Bain fermissnamaing, mediante vossa gratia, da me’ lgdrar vita, e da nun s’offender plü.
[p. 22] D. Chia eisi quà da observar?
R. Quai: — chia, sha ün foss in stadi da pechià mortal, gniss in priel della mort, e nun podess havair ün Confessùr, chia ün tal possa gnir salv, sh’al fa üna cordiala rücclensha perfetta, la quala deriva naun da spür’amur vers Dio in sai svess atissen - infinit Bain, cun volunta da confessar, cur’el podess.
D. Chia segua davo fatta la rücclensha, e proponiamaint?
R. La Confessiun. Per far quella dessa’ l modestamaing ir aint il Confessional, s’ segnar, e roar del Sacerdot la Benedittiun, dshond: jau rou sia Reverentia pe’ la sonchia benedittiun, acciò jau possa confessar meis pechiats interamaing. — Lura dessa’ l dir: da mia ultima Confessiun naun fatta in tala Festa, o Domengia; o avaunt taunt Emnas, o Mais im dun jau in cuolpa, e confess d’havair offais meis buntadavel [p. 23] Dio cu’ ls sequains pechiats. — Quà di naun teis fallamaints cler - cuort - hümel, & interamaing tenor las species, numer (dels pechiats mortals) e circumstaunzas; senza t’ schüsar, o palaintar atras persunas; senza schminuir, o zoppaintar via ün o l’ater pechia per tuorpiensha, accio tü nun comettash ün sacrilëgi, & t’ fetschas deng del fö eternal.
D. Chia ha il penitaint d’observar davo dits ora seis pechiats?
R. El dess dir: da quists, & tots aters meis pechiats confessats & invlidats, cognoshüts, & nun cognoshüts nel temp da mia vita commiss, nha jau grondissna dolur in meis cor brichia taunt per tema del Chiastig, siond jau nha offais meis jüstissen Judish, meis buntadaivelissen Benefattur, co per spüra - cordial’amur, siond jau nha disgustà quella infinita Buntà, quel in sai svess [p. 24] perfettissen Bain. — Jau m’ propon mediante la gratia divina, da melgdrar mia vita. Jau rou sia Reverentia per una saludaivla pentenzia, e sonch’absolutiun sur meis pechiats.
D. Sün quai chia sto’ l far?
R. El stò cun attentiun tòr a cor tot quai, chia’ l Confessur l’admoniesha cuseglia, comonda, reprehenda, scomonda, mossa, & obligiaia; el sto responder sinceremaing sün totas dumondas. Alla fin basögnia d’esser attent sülla Pentenzia chia’ l Confessur da sü, e la complir promptamaing. Perchia quel, chi tralasha per spüra negligensha üna leva pentenzia, commetta ün pechia venial; e quel chi tralasha üna greva pentenzià per daschütlia, fa pechia mortal.
