Pagina:Decurtins - Rätoromanische chrestomathie, X.djvu/121

Questa pagina è stata trascritta e formattata, ma deve essere riletta.

Catechismus da Peder Canisius

93

tras la Cretta, s’ dess jüstifichiar amò da plü tras las bunas Ovras. Psal. 33. Isa. 1. Jac. 2. Apoc. 19. 2. Pet. 1.

[f. 10^v]

Chià mal s’ dess sur tot laschar?

Ils pechiats, & Vizis, tras ils quals il Christiaun perda la Gratia da Dieu, la sia honur, roba, corp & Orma, el veng trat davent da Dieu & da tot bain, & condannà eternalmaingh.

Quals pechiats sun da plü grond donn & dannatiun?

Ils sett pechiats mortals oder chiapitals: Ils pechiats incunter il soingh Spiert: Ils pechiats, chi cloman vendetta in Tschël: Ils pechiats ësters, & autars somiglionts, chi sun incunter la Chiarità da Dieu & dal prossem.

Quaunts sun pechiats mortals oder Chiapitals?

Sun sett:

1. La Superbia. 2. l’Avaritia. 3. Lüsiergia. [f. 11^r] 4. l’Inviglia. 5. La Gula. 6. l’Ira. 7. La Pigritia. Dals pechiats mortals stà scrit. Quels chi faraun quai, non vegnan à possidair il Raiginum da Dien, mò moriraun dalla mort eterna. Matth. 3. & 7.

Quaunts sun pechiats incuuter il Spiert Soingh.

Sun ses:

1. Far pechià sün la Misericordia da Dieu. 2. Desperar della Misericordia da Dieu. 3. Cuntrastar la Verdà cognoschüda. 4. Inviglia del bain del Prossem, chià l’hà ratschavü da Dieu. 5. Star ostinadamaingh aint il pechià. 6. Vogliair morir sainza pentenzia. Quists pechiats vengnan zondnüglia oder schiars perdunats in quist & in l’autar Mond.

[f. 11^v]

Quaunts sun pechiats, chi cloman vendetta in Tschël?

Sun quater:

1. Mazar volontariamaingh. 2. Far pechià cuntra la Natüra. 3. Sguitschar povers Orffans & Guaifdas. 4. Trar giò la pagia als povers lauraints. Et quists pechiats vegnan da tot temp grondamaingh chiastiats da Dieu.

Quaunts sun ils pechiats ësters?

Sun nof:

1. Cussigliar à far pechià.
2. Cumondar da far pechià.
3. Consentir al pechià dels auters.
4. Inzigar al pechià ils auters.
5. Lodar il pechià dels auters.

6. Taschair vezond far pechià.
[f. 12^r] 7. Survezer ils pechiats.
8. Tor part del pechià dels auters.
9. Zopar & schiusar ils pechiats dels auters.

In quistas guisas havaini nù part dels pechiats dels auters, taunt cò nù ils hauessan fats suess in persuna.