 |
Questa pagina è stata trascritta e formattata, ma deve essere riletta. | |
| Survista della literatura ladina | 599 |
In sia ductrina scritta,
Ch’ nuo auter lasschen staar,
Sch’ nuo wlain ngyr in la uitta,
Ch’ noass Bap a nuo uoul daar.
Otras da quistas chanzuns aggiuntas derivan, sco las inizialas muossan, da Chasper Champel e da Duri Champel, seis figl, v. d. in origine dal bap, ma ch’ellas sajan dal giuven Champel statas polidas e glimadas: usche la chanzun, chi’ s pronunzia cunter las processiuns e peregrinaziuns a St. Guadeng, a St. Nicolaus, a St. Giachen, al Monterrat, a Roma:
„Chi tschearchia Petrum e saingk Paul
A Ruoma, quell ais narr e uaul.“
Amo otras s’ chattan segnadas be con las inizialas C. C., Chasper Champel. E’ s fa sentir in quellas ün’energica, victoriusa e triumfanta satirica supra actuals abüs, ün sarcasmo bugliaint cunter da quels. P. ex. in ün poëm, compost l’an 1530, dimena güst l’an davo cha Gallicus, bain per intriguas, avaiva stovü bandunar Lavin, disch Champel:
Et in terra, lg bargiatœli ais par terra,
Lg ais statt grand’hur’e uulantad da Dieu,
Laudamus te, chia la messa quell’ha ruot ün pe.
Adoramus te, e brichia queaus idels chi nun poan star
Ngraziad saia Christ, ch’ l ns haa spandrad, [sün pee.
Cun lg seis saingk plaed ch’ l ans haa lgümnads,
Ch’ nuo nun uenngan plü surmnads.
La poësia sta quia na nella forma, dimperse nels frappants contrasts e nella accumulaziun.
Diversas chanzuns popularas, sco p. ex. la via comüna per ir a sulazar, la chanzun dels sudats, chi guardan sün las corunas dels potentats, ed otras da chantin mundan o eir bigot, sun transponüdas in chanzuns spiritualas, acio ch’ellas servan in veglia melodia, ma con oters pleds plü degns e plü razionals a salüdaivl’edificaziun in famiglia ed in plazs da giuventün.
La tendenza del Psalterio es, tenor la prefaziun del autur, d. d. Susch, di 9 Avrigl 1562, quaista, da procurar all’Engiadina bassa, tenor giavüsch, ün cudesch eir in seis dialect; al pövel ladin in general ün mez, per tour cognoschentscha eir del vegl Testamaint; ed a quels, chi vöglian gugent esser leids e’ s allegrar con chantar, üna provisiun da chanzuns, cun las qualas minchün „poassa staar da buna uœllga, è chiantand s’allagrar cun Deis è brichia incuntra Deis; cun seis nütz è salüdt, è brichia cun seis grand dann è cundamnatzgiun da la sia oarma, in chiasa ed our d’ chiasa, ud eir in baselgia.“
Per procurar al Psalterio quaist desiderà success e sustegner adestramaing
