 |
Questa pagina è stata trascritta e formattata, ma deve essere riletta. | |
| Survista della literatura ladina | 593 |
Ils prüms 11 mancan. Il seguond cudesch con seis 12 chapitels es complet. Non ’s dovess que levar eir da tals antics memorials literars qualche toc adatà per nos cudeschs da scola?
c) Material da tendenza püramaing instructiva.
Natüralmaing s’ chatta nels manuscrits eir exercizis d’aritmetica, in ün, derivant da Padruot Schuccan, col motto:
Imprenda bain üna giada ün,
Schi ’t vain tuot quint zuond comün.
Nel medem manuscrit, d. d. 1601 — 1696, la procedura observada pro l’opignoraziun d’ün prà e’ l conto dellas spaisas lapro incuorsas, ün’acta da partiziun, ün inventar e notizias da famiglia puncto nascitas, battaisems, copulaziuns e mortoris.
Ün cudesch scrit a man, derivant da Jon Jenatsch, probabelmaing il bap del famus Gierg Jenatsch, d. d. 22. Mai 1625, mossa, in che möd o forma ch’ün daja far ün’uraziun, saja in ün spusaretz, sün ün battaisem u in qualche oter fat chi esser vöglia. El contegna üna collecziun da s-chüsas o pleds per tuottas occorrenzas della vita, bain complimentus e comblats da serradüras e titels, pero zuond caracteristics pel möd da viver da quella vouta.
In blers manuscrits s’ chattan collecziuns da documaints politics, drettürials, giuridics: usche las versiuns ladinas della charta della lia dal 1524, della charta della lia culs set chantuns, della cuvgnentscha cul Tirol, quaistas our dal tudais-ch; e la charta della partizun da gods, pasculs ed alps inter las vschinaunchas d’Engiadina sura, Suot - fontana - merla, dals 1538 e 1543, our dal latin; plü ultra la traducziun da statuts civils, criminals e matrimonials in ladin.
Ün manscrit prova con duos muostras, cha fingia nella seguonda mittà del 16. secul perfin la correspondenza offiziala s’inserviva del idiom ladin.
d) Cristianaivlas informaziun per infants e catechumens.
Simils excurs a plaschaivl’edificaziun e devoziun da grand e pischen nel sain della famiglia s’ chatta nels blers dels manuscrits, p. ex. uraziuns per daman e saira, ant e davo mangiar, ed in cas d’agonia e da mort; domandas catecheticas davart ils commandamaints e la s. tschaina; chanzuns da Dieu, sco talas visavi a chanzuns profanas gnivan tituladas.
Interessant es ün monolog, miss in bocca alla mort, e la chanzun del spiert e della charn, ün dialog supra la mort in 116 vers, repartits in 15 inegualas strofas1.
- ↑ Decurtins Crestomazia, V. 482 — 486.
| Rätoromanische Chrestomathie VIII. 2. | 38 |
