 |
Questa pagina è stata trascritta e formattata, ma deve essere riletta. | |
| Landamma Zaccaria Pallioppi | 583 |
Pü nun resun’in dutscha armonia
Il vers sonor e lam sco pür ovel;
Fraid il cour net, sco dell’Elvezia mia
Ils pürs vadrets, bütschos tres raz festel.
Del operus il maun glatscho dvantaiva
Süls fögls d’ün’ouvra grandiusa zuond,
Chi da pisser sieu frunt da suolchs signaiva;
Tar bgers amihs lascho hest led profuond,
Sco cur ch’ün ais sulet sün estra riva
E spraunz’ingüna aint in cour nun viva!
Non sun quaists vers tuots üna testimonianza commoventa d’amur e veneraziun? Non fan els vibrar eir nel cour del lectur il sentimaint da pür respet e da gratitudine per l’instancabel cultivadur da nossa lingua?
Eir mia lavur ha be il scopo da spordscher alla populaziun romantscha qualche notizias biograficas da nos eminent poet e linguist, d’augmentar il numer da quels, chi l’aman e ’l venereschan, e con que da quels, chi aman e cultivan nossa bella lingua materna.
