 |
Questa pagina è stata trascritta e formattata, ma deve essere riletta. | |
| Landamma Zaccaria Pallioppi | 551 |
ne la filologia, contschaintamaing duos signuras, chi han ün caracter plü chöntsch süt, asper e lungurus, co amabel e seductiv, non füttan in cas da stendschentar la vaina poetica da Landamma Zaccaria Pallioppi.
Nels prüms ans dopo seis retuorn dall’università s’occupet Pallioppi a tradüer il Nachtwächter da Körner in romantsch, sgür nel intent na be svessa da ’s exercitar nella lingua romantscha, ma eir da procurar alla populaziun e specialmaing alla giuventüm ün divertamaint agreabel ed instructiv. Vetter Anduochel — quaist eira il titul schelt da Pallioppi — gnit giovà a Celerina, e füt la prüma comedia da regordentscha della generaziun preschainta, chi gnit datta a Celerina. Plü tard la giovettan eir a Samaden, ed a que chi ’m gnit quintà, existan amo exemplars manuscrits del Vetter Anduochel.
Bainquant plü tard publichet Pallioppi nella Dumengia - Saira da Vital e Lechner ün pêr poesias; l’an 1863 comparittan qualchünas nel Fögl d’Engiadina, e l’an 1864 sortit dalla stampa il prüm fascicul, contgnand 12 poesias1. L’an 1866 regalet il poet als Engiadinas il seguond fascicul2. Quaist contegna 30 poesias, dallas qualas 17 eiran stattas inseridas nel Fögl d’Engiadina dels ans 1864 e 1865. Il terz fascicul con 30 poesias seguit l’an 18683 ed in pari temp comparit il prüm fascicul, revis ed augmentà, in seguonda ediziun4. Eir da quaistas eiran bleras, nempe 27, comparüdas nels ans 1866 e 1867 nel Fögl. Posteriuras al terz ed ultim fascicul sun amo 6 poesias, chi comparittan l’an 1870 nel Fögl d’Engiadina.
Ils exemplars dellas poesias da Pallioppi sun vendüts fin al ultim già daspö var duos decennis. La soprastanza della Società reto - romantscha craj a perque da far ouvra grata a seis commembers, da publichar l’intera collecziun nellas Annalas da quaist an, acciò cha minchün as possa recrear ed edifichar vi da quaistas perlas della literatura ladina. A mai sopravanza be da referir, co cha ’ls prodots della musa da Pallioppi gnittan accolts a seis temp, e d’aggiundscher qualche remarcas davart la valur litteraria, ch’eu las attribuesch. Quaista dissertaziun am da occasiun con
- ↑ Non am füt possibel da surgnir d’ingünas varts la prüma ediziun da quaist fascicul; eu non poss quindi indichar il lö da sia comparsa.
- ↑ Poesias da Zaccaria Pallioppi, II, Coira, Stamparia da Pargätzi & Felix 1866.
- ↑ Poesias, in part proprias, in part libramaing vertidas da Zaccaria Pallioppi, III, Samedan, Stamparia da S. Fissler 1868.
- ↑ Poesias, in part proprias, in part libramaing vertidas da Zaccaria Pallioppi, I, seguonda ediziun, revaisa ed augmenteda, Samedan, Stamparia da S. Fissler 1868.
