Pagina:Decurtins - Rätoromanische chrestomathie, VIII.djvu/424

414 Caspar Bardola

Na, na! Pro Herodas nus plü non tuornain,
Sün otra ’na strada a chasa nus giain!
Laschain, cha’ l fos stetta pro sia fosdà,
Laschain, ch’el rupetta, infin ch’el ha flà,
1225 Ün ur’ais fixada, ün term ais gia miss,
Per tot las canaglias e sgür eir per quist!

Chasper: Sün que, retuornettan darcheu nus in let
Il reist della not, per possar plü quiet,
Siand que sü’ l cour, fra nus — era s-chargià
1230 Ed uossa deciss — que plü bod preparà:
„Cha nus con Herodas non tegnan marcha“.
E factum, possettan quist rest eir fich bain
Dormind usche closs, sco cha nus maj — havain
Sün tot il viadi, — fin tard la daman
1235 A qua, cha l’uster a’ ns portet ils stivals
Clamand pro: Bun di, meis Signuors cordials!
Ed uossa alvettan per a’ ns preparar
A nossa partenza, a nos viagiar,
A’ ns reportand spert tots nel solit salon
1240 Ingiò ün mangeva per far collaziun.
Tot era perdert e fingià preparà,
Chi feva presummer, ch’ün ’vess calculà
Nus partan plü bod per podair viagiar
Sü’ l frais-ch; e conciò det princip’il mangiar.
1245 Mangiand, schi allura l’ustèr dumandet,
Fra oters discuors, quals el qua svillupet
A Melcher: Van Els forz’a Jebus pro’ l raig?
Il qual respondet fich insipid e fraj:
Il raig pür ch’el spetta, nus plü non tuornain,
1250 Nus ’vain gnü ün sömi e quel sequitain.
Sün que poi stovettan, il sömi quintar
Il che fich pareva quel hom d’allegrar,
Ma gnand qua l’uster svess allura al pled
A’ ns dschet el: „Ün sömi impona respet“. —
1255 E stant, ch’Els avettan quitras il plaschair
Da’ m requintar chosas, ch’eu poss e vögl crair,
Schi sto eu adjunscher ün meis insömgiar,
E spet, ch’Els am vöglian il fat declerar.