Pagina:Decurtins - Rätoromanische chrestomathie, VIII.djvu/413


L’Epiphania u l’appariziun 403

El sa quant mutabel, chi ais il destin
Perque, non podain qui per tschert dir — nus gnin.
Ed uoss’al laschettan pigliand nus cumgia,
790 Ch’el reista con spranza da’ ns vera darcheu;
Perche, dschet frar Chasper, el ais furibunt
E füss eir capace da’ ns far qualch’affrunt.

Baltisar: Passand nus dad el, pür ans gniv’odimaint
Seis ögls velenus, indichand tradimaint,
795 Seis plans e projects d’ün hypocrit, malign,
Co’ l far da furbaz, traditur e maldegn;
Qua raig e qua güdisch pertot sün malfar,
Chi pensa be siccals per s’ingraschantar
E zappa sü’ l drett, sün güsti’ e raschun
800 Con spredsch, qua guidà da fosdà, paschiun,
Tiran, egoïst, sper ün miser deport,
In tottas manieras: „Ün — sclav della mort.“
Usche, cha nus poi da sang frai reflettand
Convgnittan fortüna, cha sian davent;
805 E Chasper sün que survezzand quist mal far,
Dschet: Tü non est degn d’ün nos fratternisar
E mera! La staila chi’ ns veiva guidà
Tras tot il viadi, — darcheu era quà
Mossand vers Hebron e’ ls pajais sü’ l mezdi;
810 Appunto la strad’a nus stat referi.
Usche, cha containts nus la staila sequind
Qua sainza pisser viagevan chantant;
Vezzand uoss’il tschel bler pü ot e lontan
Tot cler, transparent, majestus e serain
815 E tantas bellezas nel circumvicin,
Chi spurdschan l’aspett sco scha füss ün giardin.
Collinas, con foppas pompusas süsom,
Planüras ridentas pertot la intuorn;
Qua vignas, olivas, qui törch’e formaint,
820 Con bös-chs da pignolla e’ l gelz tranter aint,
Sper dattels, figèrs — e tants frütts prezius.
Interas contradas d’erbag’e gibus,
Con tot las plü finas verdüras del mond
E medicinals d’ogni sort rilevant;
825 Sper fluors da bellezza, da milla colurs,

26*