Pagina:Decurtins - Rätoromanische chrestomathie, VIII.djvu/406

396 Caspar Bardola

Cha Stadis s’abinan e pon s’abinar
Pür, cur cha lur basis respettan raschun
E guidan lur sudits tras scolas a glüm
Usche, cha dal raig infin gio sü’ l sudà
515 Respira caracter, güsti’ e vardà.
Per far hoz ils stüdis sur tot quists problems
Perse, vicendevol — a nus manc’il temp.
Pero, sch’El ans vol amo far ün plaschair
Spettain, ch’El ans quinta be cuort Seis contgnair
520 Rapport procedura da drett, pro delicts,
U causas, prozess e tant oter conflicts;
Usche, cha nus possan pro melder pensar
Fra nus sü’ l viadi ün pa congualar.“
Herodas mütit, e’ l notar il medem
525 Sco füssan culpits da sejetta u tun,
Ma tandem e tandem davo löng flippir
A’ ns dschet El: „Chi s-chüssan, eu sto m’absentar;“
Con quists pleds passettan our stanza tots duos.
„Ha bravo! frar Balser“dschet Melcher sot vusch,
530 Tü has propi toc qui la gotta nel sang —
Ün cuolp da chatschader, chi muoss’esser franc.“

Melcher: Vezzais frars, dschet Chasper il frütt del ma far,
Lur propia conscienza ils vol condannar,
Il cour as ressainta, l’inclett tra attent
535 E l’anim als crouda e’ ls mett’in spavent;
Il scroll d’üna föglia, il scrosch d’ün rammet
U svess’ na sumbriva sün els fa effet;
Usche, cha fadiv ais il schelm qui sü’ l mond,
Siand seis suspet va da se flagelland.
540 Quist ais per l’uman gia sün terra l’infiern,
Chi saimper l’achüsa avant seis intern,
Flagella seis spiert e consquassa seis cour,
Cha’ l sang sa revolt’as dand svessa rosur
E sia conscienza, seis anim, seis far
545 Vain our d’equilibra e sto — desparar.
7Apaina frar Chasper finit seis raschun
Entrett uoss’Herodas, superbi sco’ l prüm,
Schabain, ch’el pareva ün pa consquassà
Istess, as mosseiv’el qua promt e svaglià.