Pagina:Decurtins - Rätoromanische chrestomathie, VIII.djvu/403


Ach lascha, dschet Chasper! Ach lascha que star:
Eu vez, l' inozenzia pressada sü' l sang,
395 Dal bratsch d' ün despot u tiran malvivaint;
Eu vez, l' ingüstia, chi plandscha dolur,
Nels mans d' ün terribel, rapace signur;
Eu vez, qui vergogna sorgent dal intern,
Dels trais protocolls da quist nöbel guvern.
400 E bain, replichet eu! Tü sgür has radschun,
Ma vera las chosas ha saimper seis bun.
Sün que, schi avrittan nus spert quels tots trais
E mera, nus füttan na pac qua surprais,
Preziss, sco frar Chasper haveiv' indichà
405 Preziss, usche era in quels registra.
E spert repassettan nus quists protocolls
Lejand qua sentenzas chi sgrisch' ils chavels,
Examens e skizzas con taxas e quints,
Ch' ün v' zeiva tot chosa perdert ouravant,
410 Tenor la persuna, chi gniva nels mans
E calculs d' intrigue u scopos e plans;
Pro' l che tot exact ün vezzeiva urdì
In möd, cha l' ingian qua non vegna … scuprì
E stova percio far entrar — trajamaint,
415 Stant — siccals a Plutus pür fà — inozaint.
Ach veh! Che ofüci, che güdisch, che jus!
Po dar que sün terra usche vergognus? —
Dschet, Melcher, surprais sur da quist güdichar.
Pür spetta, dschet Chasper, non' t s-chandelizar
420 Fingia usche fich, qui pro mezza lavur;
Il prüm guarda tot — e pür 'lura post dir.
Lejand nus insembel in quels plü 'navant
Chatettan 'na massa chalchads inozaints,
Siand cha lur provas, perdüttas e far
425 Non eran sentidas, per no' ls liberar.
Durante, cha oters spogliants e schaschins,
Dals quals tottas provas rendevan convinct
E be per mancanza da reo confess, —
In s-chüsa … examens express qua ligers,
430 Girevan, sco homens dezaints con bun cour
Dafatta ornads con madaiglias d' onur.