Pagina:Decurtins - Rätoromanische chrestomathie, VIII.djvu/402

392 Caspar Bardola

Allura podain nus in ultra trattar
355 Tenor chi occuora, il möd da tscherchar.
Fratant vögl sperar, ch’Els non portan resguard,
Ma fatschan Lur comod: Qui ais il billard
E qui han Els dats, qui la damma, qui’ l schach
Ils gious Persians, quals pertot as fan larg.
360 Plü ais qui lectura, ils melders giornals
Chi hoz fan furore pro’ ls Orientals.
E qui, sun las ouvras dals melders auturs
In tot las scienzas — del grand univers.
Chün tscherna, minch’ün a tenor seis plaschair
365 E’ m s-chüsan l’absenza, — a bun ans revair!

Baltisar: Con quists pleds passet el, laschand qua solets
A nus trais in stanza. Qua Chasper ans dschet:
„Quist hom ais canaglia, quist hom ais furbaz,
Cur l’extern lusingia, schi l’intern fa latschs.“
370 Pür massa, dschet Melcher! Tü frar has raschun,
Ils homens ün paisa guardand lur contegn
E quist ais pro el totafat s-chandulus,
Superbi, manznèr sco pür presumzius;
Lapro ais el fos, egoïst e villan,
375 Chi volva bandera sco’ l vent — vi’ e nan.
Sün que, refletettan tots trais — „il confess
Dal far seis“— e mera, preziss que express.
Ach pover, dschet Chasper! Na’ l raig, ma’ l pajais,
Chi deva spettar la güstia da quaist;
380 Perque as lamainta e disch il poet
Tot simpel, macuort e conciss seis verset:
„Tinchür ’e non metter sco güdisch sü’ l trun
A quel, chi sai svessa guidar non ais bun,
Perche, seis mal redscher e tot seis mal far
385 A tai, chi tschernettas vain Diou a squintar.“
E mera! Sün mais’eran trais cudeschuns,
Con pell sur la rain e tot pell sü’ ls chantuns,
Il taigl era cotschen, tot cotschen carmin
Ed ambas cuvertas plü nair co’ l charbun.
390 „Quist ais la bandera dals vaira magnats,
Chi pressa qua sang tanter mans s-charbunads;
Gni nan frars, clamet eu, gni nan per guardar.“—