Chi seculs, milesims infin al preschaint
Servit sco per guida, per uorden e dret
Pro pövels e schlattas, pro sectas e tschep. 80 Crajai, cha trais schoccas non suos-chan mentir,
Stant, l’üna non fida sün l’otra seis dir;
Ma nus eschan homens, schi homens d’onur,
Vain sang ed avainas e’ vain eir ün cour —
Chi batt’al honur d’ün medem creatur, 85 Schabain da naschenscha d’ün otra colur. Crajai, cha nus brich’as volain qui mentir,
Eir nus vain ün orma, chi sa ressentir —
Quel timbro ch’inflamma tots pövels listess Chi füt e chi reista qua sainza progress.
Melcher: 90
Essendo frar Chasper favland ais gnü lass
Vögl eu referir in rapport ün peer pass;
E per ch’Els landroura revezzan varda,
Schi’ Ls vögl requintar nos viadi passà Nos propi pajais ais dalönsch nel Levant, 95 Intuorg tschinchtschient miglias da quia distant,
Ingo nus scoprittan nel ot firmamaint
Avant ün peer anns quel signal surprendent,
Dal qual nus con stüdis profonds ed extrais
Podettan conclüder „Ch’ün raig sur ils raigs“ 100 Dals tschels qui sün terra ans si’ apparü,
Pro grazi’ als umans, tots — l’infant e’ l creschü ’Na glüm chi derasa sur tot clerità, Per hoz e per saimper — in eternitâ. La bramma da vera quist soinch personal, 105 Sperand eir sa grazia per nus, sco egual
Per nossas famiglias, nos sudits e sclavs
Ans fet spert ressolver dad ir al chattar. Sün que redonettan nus nos generals,
Baruns e ministers, cusgliers e marschals, 110 Con princis e contos, guerriers e gürads,
E’ ls nöbels del pövel, officials e sudats,
Surdettan a quels il dominn’e’ l pisser
Fintant, cha retuornan da nos recrear. E lura partittan direts vers ponent, 115 Seguind alla staila, chi’ ns geiv’ouravant,
