 |
Questa pagina è stata trascritta e formattata, ma deve essere riletta. | |
| L’Epiphania u l’appariziun | 383 |
Revelaziun o sia Propaganda dels trais magis.
Chasper: Eu sun il raig Chasper our dal Oriaint
E fetsch propaganda pertot reveland,
Cha glüm ans ais gnüda, chi brilla splendur
Pertot sur la terra, pro’ l raig e’ l pastur,
5 Pro’ l paur in chamanna e pro’ l mansteran,
Pro’ l grand sün poltruna sco pro’ l viandan.
Un raz, chi deras’als umans clerità
In chas’e sü’ l liber, in borg’u cità,
In tann’u spelunca, in four’u preschun,
10 Pro’ l doct e pro’ l simpel, pro’ l scort e’ l minchun,
Pro’ l ferm e pro’ l debel, pro’ l blott e’ l pussant,
Pro’ l rich e pro’ l pover, manglus e dolant.
Tot chatta schü’ n tschercha clerez’e confort,
Chi spordsch’al venturo felice la sort.
Melcher: 15 Eu sun il raig Melcher, del Chasper compagn,
Chi portà algrezia e pasch per tot l’ann,
Al bap e la mamma con tot lur infants,
Al barba e l’amda, a vschins e paraints,
Al hom e la duonna, la matta e’ l mat,
20 Al giuven, la giuvna, al tat e batat.
A tot ils umans dalla terra poss dar
La nova d’algrezia e pasch a lur far,
Al pover magister, plavan e doctur,
Al eister chi gira, al frar e la sour,
25 Al nono, la nona, fantschell’e famaigl.
Al singul chi seza giodant il tramaigl.
Tot chatta, sch’ün tschercha algrez’e confort,
Chi spordsch’al venturo felice la sort.
Baltisar: Eir eu he l’honur sco regent da’ m clamar,
30 Sper Chasper e Melcher sun eu Baltisar
Eir ün da lur sort, chi domina pajais
E redscha ün pövel fich grand e distais,
Chi viva, da quia plüs miglias distant
Tranquil e pacific dalönsch nel Levant.
35 Quist pövel, meis sudits dotats con talent
Cultivan las arts e scienzas gugent,
Ils üns astronoms ed ils oters docturs,
