 |
Questa pagina è stata trascritta e formattata, ma deve essere riletta. | |
| Las Strias, Superstiziun e fantasia | 357 |
Güst. Que ais ün greiv servezzan, di e not!
Cresc. Tant plü, ch’el düra svess sü ’l let da mort.
Güst. Sü ’l let da mort? Schi co? Que non ha sugo!
Cresc. Schi, char signur! Plüs già non pon morir,
Schabain nombrads ils dids.
Il temporal
Sto tot morir, e que precis sü ’l ura;
La mort ais natüral’e non sta oura;
Ungün vivaint, non l’ha podü guinchir.
Cresc. E pür, signur, ün disch, e’ l pövel craja.
Güst. Eu sun persvas, cha gross’ais la s-chürdüm;
Listess, plan plan ans vain la prümavaira
E co’ l solai svanisch’eir il striögn.
Cresc. Svanir? Bun, bun! Quel ram as multiplicha;
Dals vegls s’implant’el saimper sü ’ls infants.
Güst. Il ram ais sech, e marscha ais la tschücha.
Cresc. Na, nà, Signur! Il tröp va s’augmentand.
Ch’el guarda la famiglia da gi ’Auna;
Che ögls, che far; tots desch sun sco la mamma;
E’ l tschep da barba Giöri, nos vaschin! —
Güst. Ach! Que ais povra gliout sainz’ün quatrin.
Ün vezza la miseria sün lur fatschas,
Chi flada povertà ün migl distant,
Lur vests con pezzas stat surtrat tschient vottas,
E mangel ch’ombr’a mangel, fam a fam.
Scha quella gliout s’adessan al servezzan,
Per quant vilan, chi füss pür lur patrun!
Schi dal guadagn florissan lur finanzas,
Ch’els passegiessan uoss’in chann’e sprun.
Cresc. Ma quista secta non guadagna paja;
Lur principal ais princi del ingian.
Güst. Schi cò? Chi serva hoz’in di per nöglia?
