 |
Questa pagina è stata trascritta e formattata, ma deve essere riletta. | |
| Las Strias, Superstiziun e fantasia | 337 |
Plüs. Ha, bravo Rudin! Bravo, bravo tü.
Güst. Udiva qui da Rud’il sacrifici,
Compassiun e viv resentimaint.
Ach, ’vessan tots umans tal gentilezza
Vers lur manglus e pover convivaint.
(s’adressand a Lanz)
Per uossa, Lanz, ha’ l cuv sgür abondanza;
Co’ l gran da maister Gian po’ l triumfar;
Intant plü tard gnarà la providenza,
Per quel, sco per no tots, a pisseràr.
Tots. Per quel, sco per no tots, a pisserar.
II. Scena.
Paulina e Corina.
Digià plüs mais sun, ch’eu cognosch seis far;
Meis tschögn ha ell’inclet e sgür non sbaglia
Da gnir pro mai, pro melder conversar;
Perche, eir ella saimper reistet mütta,
Con quista compagnìa da puchads —
Pro quala, schabain ch’ella ais plü sütta
Listess, sto resentir, star sainza pleds. —
Eu resentit la sort da „star minchuna“
Con tants impissamaints perderts nel cour
E maj podair dir pled, stant els adüna
Finivan e tachevan nouv discuors.
Que ais ün vil trattàr vers giuventschellas,
Usche, ch’eu bod squasseva dallas felas. —
Meis cour non brama auter, co a tai!
Corina. Eu crai, tü dubitevas mi’ avgnüda,
Ch’eu vess surviss teis tschögn, dat là a mai,
Schabain ch’eu quel vezzet subit. —
Paulina. — Subit —
| Rätoromanische Chrestomathie VIII. 2. | 22 |
