Pagina:Decurtins - Rätoromanische chrestomathie, VIII.djvu/225


Poesias II. 215

Liber da quel anim,
Chi noss vegls guidet,
A pajer schicanas
20 Cun ün bun stilet.

[p. 39] Liber da concordia,
Per sdramer tirauns;
Liber d’assistenza,
Per sfrievler quels chauns!

25 Peja, s-charpa grossa,
Peja, nun flippir!
Acciò ch’ün possa
Propi liber gnir;

Liber da sia forza,
30 Liber da sieu dret,
Sainz’amur alchüna,
Sainz’alchün dalet;

Liber da sia spraunza,
Liber da confort,
35 E cur ais avuonda —
Liber tres la mort!

[p. 42] Las giuvintschellas.

(Plaunts d’ün vegl marmuogn, expectoros già nel 1843.)

Nil admirari prope res est una, Numici,

Solaque quæ possit facere et servare beatum.

Horat. Epist. VI. L. 1.

Allur, mieus chers, schapür cha la pü bella
Avessas buonder da considerer:
Na be noss mas-chels vaun da vach’in vdella
Cun vender zücher e cun taunt stüdger.

5 Guardain ün pô; què cha las giuvintschellas
Del gust modern vaun uossa tambas-chand.
Dallas pü tridas fin allas pü bellas,
Dal bsögn pü pitschen fin al bsögn pü grand!

Scu da mieu temp, cha con puntins da muos-cha
10 Ils spievels eiran auncha glüschentos,
Et il badigl, la zappa e la fuorcha
Bger pü cu büsclas da savur drovos;