Pagina:Decurtins - Rätoromanische chrestomathie, VIII.djvu/160

150 Conradin de Flugi


Poet clam chi con fantasia
20 Requinta fats chi sun passos
E sch’el eir be ’na flur prodüa
[p. 32] Imaints l’attacha elevos —:
Insomma quel chi Dieu ressainta
E sün sieu clam sieu spiert movainta.

[p. 35] Ün bel cudesch.

Ün bel cudesch sto aviert
Da contin a nossa vzüda,
Quel attonit renda ’l spiert
E noss’orma el salüda;
5 Dieu l’ho scrit, in möd zuond cler,
Imprendain quel ad incler!

„La natüra“e ’l nomnò,
Da grand pais tuot que ch’el tratta,
Ogn’ün rest edifichò,
10 Chi vi d’el plaschair be chatta,
Müravglus ais sieu contegn;
L’ais da Dieu, ün cudesch degn!

Quist bel cudesch sto aviert
Da contin a nossa vzüda,
15 Quel attonit renda ’l spiert
E noss’orma el salüda,
Imprendand quel bain a ler
Gnins eir lò Dieu a chatter!

[p. 47] L’Inviern.

La naivetta, la naivetta
Vain da tschel a flöch, a flöch;
Onduland sco las chürallas.
’s mett’ la giò a töch a töch.

5 E nos mauns, e nossas vistas
Butscha ella in möd zart,
E que pera ch’ell’ans porta
Un salüd da buna vart —