Scha tieu cour non ho pudieu
In il cuors da tuot tia vitta,
Esser me brich comovieu
Schi ve no ch’eau at aditta, 5 Que chi ’l anim inflessibel
Renda dozil e sensibel.
Cur il di ais trapasso
E la noat ans circondescha
Guarda ’l firmamaint fitto 10 E d’ bun anim contemplescha,
Lo nell’imensa planüra
Dellas stailas la bgerüra —
Lur splendur amabla, rera
E quels ratzs chi saimper vaun, 15 Quels at dian con vusch zuond clera
„O admira crastiaun!“
Dieu tres nus as manifesta
Cha tieu anim fraid non resta.
Poust tü bain ess’ l’insensibel 20 In ün usche bel momaint?
Ach na! quaist non ais pussibel;
Sgür eir tü est piglio aint:
Eir sün te taunt ho vittoria
E tü dest a Dieu la gloria.
[p. 32]
La mievletta e la mieletta.
Be üna mievletta
Per üna mieletta
Ho l’homm da bsöng;
Et in tela mieletta 5 Per quaista mievletta
Ho ’l taunt fatschöng —
Ach nella mieletta
Tscherchain na mievletta
Pe ’l pü ot bsöng; 10 Cha tela mievletta
Passo la mieletta
Ans saja sosteng!
