 |
Questa pagina è stata trascritta e formattata, ma deve essere riletta. | |
| 84 | Alchiünas Bellas et Nüzaivlas Histoargias |
fütten tuots ù mazos ù stitts, ù chia ’s mazetten svessa. L’cussalg zieva sarret sü quella chiesa, in laquela chi’el füt amazo, et me zieva que nun eis pü gnieu tgnieu dret sün que di. Zieva el gnit Imperadur Octavius Augustus, suot l’imperi dalquel eis naschieu Christus, noas chier Salveder. Quist ho aregno 56 ans zuond felicischmamaing; 41 an havaiva el infingio aregno, cura chia Christus naschit. Davart quist vain scrit, chi’el havaiva üna figlia cun nom Julia, laquela üna gieda gnit avaunt seis bab [f. 71b] tratta aint zuond pompusamaing. Quista memma pompa dischplaschet al Imperadur Augusto, ilquel amaiva la sobrieted et sodezza zuond fich. Ma pero zuppet sieu desdeng, et tschantschet dintaunt cun Julia dad otras chiosses. Julia alla davous cuntschet il sdeng ù il dischplaschair da seis bab, et dimena pigliett la cun tuotta civilted licenzchia dal bab et giet davent. Il di seguaint ’s vestit ella zuond honoratamaing et sobriamaing et gnit uschea darchio avaunt seis bab, l’det il defsain cun tuotta craaunza, l’branclet et il bütschet, perchie chia el eira infingio bain vêlg. Augustus ’s allegret da que fich, inuonder chi’el peraque ludet sa figlia et la dschet: Chiera figlia, quista vestimainta at sto quaunt pü bain sura, co la vestimainta dad’hêr, et eis bgier pü bella et taunt co la figlia da Augusti pü deschaivla. Sü sura respondet ella: Ad eis vaira, chiarischem bab, cun la vestimainta dad’hoatz, chi eis pü honorata, as plescha appussaivelmaing bain. Mo hêr m’havaiva ifiteda per plaschair eir ün po a mieu chiarischem ma . . .
[f. 76a] Moart chia füt Augustus, il succedet in l’imperi III. Claudius Tiberius Nero, chi eis sto il terz Imperadur romann. A quist, perchie chi’el bavaiva fich, füt müdo il nom et füt dit Claudius Biberius Nero. Suot l’imperi da quist eis Christus gnieu crucifichio da Pontio Pilato et il pœvel jüdeauf. Da quist vain dit, chia haviand el udieu davart ils signels et miraquels, chia Christus faiva, eir co chia el eira innozaintamaing gnieu crucifichio, moart, sepulieu et aint il terz di darchio aressüsto, schi chia el il vulaiva canonizer, que eis scriver aint in l’inumber da lur Dex, et perque hegi’al purto avaunt al senat, ilquel nun se perchie chia nun vuletten consentir. Quist fet clammer Pilatum a Roma, zieva chia Christus füt moart, a der quint da sieu depurtamaint, et perchie chia el haves fat murir Christum, chi havaiva guaria taunt amalos, sainza üngiünas maschdinas in ün batter d’œlg, perchie chi’al haves eir el gugient druo sieu agiüd, ’s chiattand in üna privlusa malatia. Cura chia Pilatus udit que, crudet el in desperatiun et ’s amazet svessa in preschun, aciochia el nun haves da gnir sentenzchio publicamaing. [f. 76b] Cura chia Tiberius udit que, schi respondet el: Vere mortuus est morte pessima: Al ais vairamaing moart dad’üna noscha moart, siand chi’el ’s ho piglio la vitta svessa et eis gnieu ün moarder da sieu chiüerp. IV. Ziera Tiberium gnit Imperadur
