 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 81 |
La respoasta, chia Philippus ho do ad ün betler.
L.
[f. 69b] Philipus, Rag da Fraunscha, iscuntret üna gieda ün betler, ilquel giavüschet dad’el ün rich dun, perchie chia el eira sieu frer. L’Arag ariet da quist fat et dumandet al betler, co chia que pudess esser, et da chia dimena chia el füs naschieu. Il betler respundet, chi’el saja partschendieu dad Adam, ilquel eis il bab da tuots nus. L’Arag sü sura cumandet al chiammarer, chia el il des der ün pfennig, et siand chia l’betler ’s almantaiva, chia que nun füs ün dun dad’ün Rag, l’ho l’Rag respondieu, scha el vules der à tuots seis frars dad’Adam ino taunt, co chi’el havaiva do ad el, schi stuess el vender sieu reginam, et nun al arestes poch ù dafat ünguotta. Chia l’betler des ir et ’s fer [der] dad’iminchia frer taunt, co chi’al l’ho do el, schi gnis sa buorsa bod ad esser plaina, schi, el gnis in cuort temp ad esser pü rich, co el.
Nota:
Ad iminchia nar ù biffun nun reuscheschen sas schelmarias, a grand signuors sto bain, cura chia sun iffitos cun bels duns.
[f. 72a] Exaimpel da glieud riela et jüsta.
LI.
Haviand Alexander il grand cuvernieu tuotta la terra cun sas armedas et pœvels et suotamis a si bgierras citeds et pajais, dvantete, chia el gnit in üna cited incognit sainza ’s der à cugnuoscher. Ma aciochia el saves, scha gnis tgnieu jüstia eir aco et fat dret, giet el svessa sün la chiesa dal cussalg, sainza pero chi’el füs cuntschieu dad üngiün, et tadlet, co chia quella glieud proponivan alo lur causas avaunt il dret. Co, traunter oter, sentit el ün, chi proponiva uschea: Signur jüdisch, eau d - he cumpro da quist hom aqui preschaint üna chiesa, et haviand eau fat chiaver aluaint’per fer ün murütsch, co heja chiatto ün grand thesor in daners, ilquel chi’eau l’hæ dalungia vulia cusner, siand chi’el nun pertuochia tiers ami. Et el nun l’ho vulieu acetter ne artschaiver. Et peraque l’poart eau no qui et ’s arouf, chia l’vœglias schfurzer et cummander, chia el piglia que chi ais sieu. Perchie eau nun he dafat üngiün dret tiers quist thesori. [f. 72b] L’jüdisch cumandet eir al’otra part da fer sa s-chiüsa. Ilquel dschet: Signur jüdisch, eau ’s vœ asgiürer, chia il thesori, ilquel chia quist hom ho chiatto, me nun eis sto mieu. Certamaing la chiesa he eau fat fabrichier, mo il lœ, in ilquel eau l’he fabrichieda eira üna publica plazza, inua chia iminchiün haves pudieu edifichier. Et dimena nun he eau üngiünna legitima causa da piglier ù acetter il thesori. In
| Rätoromanische Chrestomathie VII. 1. | 6 |
