 |
Questa pagina è stata trascritta e formattata, ma deve essere riletta. | |
| 80 | Alchiünas Bellas et Nüzaivlas Histoargias |
Davart la severa Jüstia da Seleuci et da Cambysis.
XLIX.
Seleucus Rag, dals Locrensers, intraunter otras bunas ledschas, lasquelas chi’el ho fat par conservatiun et ædificatiun da seis subjets, havaiva eir fat quista, chia quel chi gniva chiatto in l’adulteri, a quel daiven gnir chiavos oura tuots duos œlgs. Poch zieva la publicatiun da quista ledscha dvantete, chia l’filg da Seleuci svessa füt clapo in tel pchio et verguogna. Siand el dimena mno avaunt seis bab, l’Arag, et füt cuvit dal adulteri, gnit el sumgiauntamaing cundanno da seis bab, chia el suainter la ledscha des gnir chiastio, et il [f. 68b] gnir chiavo our tuots duos œlgs. Mo il cummœn pœvel et tuots ils subjets, perchie chia d havaiven compaschiun cun quist prus Rag, siand chi’el regnaiva benignamaing et ls havaiva fat grands beneficis, gnitten tuots bain accoards avaunt il Rag, et l’aruetten, chi’el vuless perduner à seis filg quist fal et il deliberer sainza privatiun da seis œlgs. L’bun Rag Seleucus, schabe chi’el ’s havaiva bgier sfadio da persvader à seis subjetts, chia dessen lascher ster lur injüst giavüsch, chia la jüstia dalla ledscha, chi’el havaiva do, nun cumpurtaiva üngiün arsalf ù exceptiun, schi darchio il pœvel taunt a taunt nun ho vulieu des[s]ister, mo pü in vi et pü l’aruo per la liberatiun da sieu filg. Seleucus, vsand, chi’el gniva uschea sfurzo da seis subjetts, et saviand eir, chia la ledscha, chi’el havaiva fat, scha la daiva valair, nun pudaiva gnir aruotta, schi, per satisfer à l’ün et à l’oter, al pœvel et alla ledscha, eis el ieu sün ün theatrum et in preschenscha da tuot il pœvel ’s ho el cun üna granda magnanimited l’prüm chiavo our a si svessa ün œgl et dalungia eir à sieu filg ün oter œlg, et uschea vulieu [f. 69a] amusser, chia princips et signuors, cura chia d haun fat üna ledscha, dessen ’s sfadier els il prüm da la salver et da nun la rumper, aciochia üngiün nun poassa ’s almanter. Davard Cambyse scriva Herodotus, chi’el saja sto zuond diligiaint in chiastier ls injüsts judischs. Üna gieda fütta acchiüso avaunt el ün, chi havaiva nom Sisanna, ilquel ’s havaiva lascho cumprer our cun daners et havaiva fat üna injüsta sentenzchia. Quel ho Cambyses dalungia fat piglier et scurchier vif, et fat stendar cun guottas la pel sün la chiadregia dal judisch, et uschea la fatta surtrer cun la pel. Eir ordinet el, chia saimper daiva quella pel arester alo, aciochia tres quist spettacul ils judischs gnissen commuantos à fugir l’injustia. Ho eir sü sura ordino et cummando, chia l’filg da Sisanæ daiva gnir elet per judisch impe da seis bab, et ’s daiva gnir schanto sur la chiadreja sün la pel da seis bab, aciochia el administres et fes taunt pü gugiend jüstia.
