 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 73 |
Miravglius Inamuramaint da Psammetichi.
XLIII.
Aelianus, in il 13 cudasch da seis bgiers fatts, aradschuna ün miravglius matrimuni, ilquel eis iscuntro intraunter Psammetichun, Rag dad’Egipto, et Rhodope, üna zuond bella femna. Üna gieda ’s laveiva quista Rhodope in sieu zardin in ün flüm, chi passaiva tres quel, et det a sa fantschella sas vestimaintas da chiürer. Mo la fantschella ’s smanchiet vi, giet vi et ino per il zardin, et dintaunt gnit ün eaula et ivulet davent üna s-chiarpa, chi eira sardureda, et la purtet in la cited Memphim. L’Rag Psammetichus eira be da quell’hura sün la publica plazza et tgnaiva dret. Co svulet no da traviers no quella eaula et laschet der gio quella s-chiarpa in bratsch dal jüdisch. Psammetichus ’s schmiravgliet fich da quista bella s-chiarpa, et alhur’eir, chia ün uschea principel utsche l’havaiva purteda in sieu bratsch, [f. 60b] et dimena fet el dalungia tscherchier dapertuot sieu reginam quella persuna, allaquela pertuchiaiva quella bella s-chiarpa. Et siand chiatto, chia la partuchiaiva à Rhodope, ho il Rag dalungia tramis per ella, et l’haviand plaschida bain, l’ho el piglieda per duonna.
Nota:
Cura chia Dieu voul trametter ad ün üna vintüra, schi drov’el perfin las bes-chias alo tiers.
Davart las sabgias schibyllas.
XLIV.
Las schibillas sun stedas avaunt temp alchiünas femnas doattas, lasquelas gnivan muantedas dad’ün singuler spiert, et savaiven dir our avaunt chiossas, chi havaiven da gnir, et haun lascho davous per griegisch bgiers bels vers; haun eir prophetizo davart la naschenscha, moart, paschiun et ares[s]üstaunza da Christi uschea belg, 1000 ans avaunt co chi’el naschis, taunt co scha füssen stedas preschaintas. Quauntas chia sajen stedas, eis incert. Alchiüns metten dich trais, cun nom: Delphica, Erythrea, Cumæa; oters bgiers scrivan, chia sajen stedas 10. Ils schmalagiaduors hoatz in di n’metten 12, taunt co il number dals Apostels. Taunt co chi pertain à las 3 principelas, schi ho la [f. 61a] schibilla Delphica evdo in la cited Delphis, et ho imprains ù arfs[ch]ieu sas prophetias dal oracolo chi eira alo. Da quista vain dit, chi’ella hegia vivieu lœng auns la guerra da Troja et quella prophetizo. Eir chia Homerus, il Poet, hegia mis bgiers da seis vers intraunter ils sias. La seguonda eis steda la schibilla Erythrea, chi pertschendaiva dalla cited da Erythra. Da quista vain scrit l’seguaint fat, numnedamaing chia ella saja gnida ameda zuond fich dal Dieu Apollo,
