 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 71 |
Philippum Valesium, Rag d’Fraunscha eis, sto üna contigna guerra, et Eduardus l’ho suenz vit in las battaglias. Zieva quist Pliilippum gnitte Rag in Fraunscha Johannes, ilquel, cumbattand in Poitu, üna provincia dalla Fraunscha, füt piglio preschun da Eduardo et mno in Ingelterra. L’armeda da Johannis eira da 60000 sudos, et quella da Eduardi nomma da 8000. Quists 8000, in principi dalla battaglia, vsetten dalungia, vers üna taunta granda armeda chia d eiran taunt co ünguotta, et dimena, tuot desperos, ’s res[s]olvettane da fer tuot lur pudair, et detten aint cun taunta füergia, chi’als mazetten u sfügiantetten tuots quists 60000. Johannes, l’Rag, füt fat preschun et mno in Ingelterra, et zieva havair fat grands et per se dürs pa(g)[ch]s et conditiuns, füt el darchio largio.
[f. 58a] Davart il Thesori da Thiberii.
XXXXI.
Tiberius Constantinus, successur da Justini il seguond, ün bening et ludo Imperadur, eira vintüraivel in las guerras, jüst et riel in santenzchier, prudaint in seis fatts, chi’el pigliaiva a maun, et principelmaing eir’el sur tuot mœd liberel vers ils pouvers et bsœgnus, da tel soart, chia el svessa havaiva bsœng da daners suenz, chia el nun pudaiva mantegnar sa maisa, sco chi tuchiaiva. Da quist ’s allegraiva Sophia, la duonna ù la vaidga dal Imperadur Justini, faiva beffa da Tiberii et il traiva suenz in œlgs sias grandas et richias almousnas, chi’el faiva, et chia el, siand sto da bassa conditiun, parta oura tuot il sieu à glieud pouvra da sa soart, chia el stuaiva sgiür esser filg d’ünqualchie betler. Ma Tiberius la respundaiva adüna cun granda patientia, chia Dieu gniva bain a l’der oter thesoris et a l’arender richiamaing que poch, chia el partiva our à poura glieud bsœgnusa. Ma chie iscuntra? Giand el üna gieda sün sieu chiaste à spass, vsset el à soart sün terra üna platta d’marmel [f. 58b], aint in laquela eir’taglieda üna crusch et l’imegna da Christi. Acio dimena chia nulla gnis zapineda dalla glieud et dalla muaglia, clamet el no alchiüns da seis famalgs et ls cummandet, chia chiavessen our quella platta et (h)ustessen davent et la purtessen in ün oter lœ. Ls servituors obeditten spert à lur Imperadur et Signur, et chiavand sü quella platta, chiattetane els suot quella aunchi’üna da inguela grandezza. Tiberius cumandet, chia daiven chiaver sü eir quella et la metter in ün oter lœ. Cura chia d havetten chiavo sü quella, chiattettene els la terza sco las otras. Eir quella dimena fet l’Imperadur chiaver sü. Co chiattettane suot quella ün grand thesori in or et argient et otras chiosses, ilquel ne l’Imperadur ne üngiün oter haves me spiro. Cun quist thesori arafet Tiberius sieu
