| 70 |
Alchiünas Bellas et Nüzaivlas Histoargias |
|
il terz, filg da Eduardi il seguond, naschieu da Isabella, tramtet, [f. 56b] zieva la moart da quists 4 filgs, dalungia ambaschaduors in Fraunscha, cun giavüscher, chia l’reginam l’gnis do aint a maun ad el, perchie chi’el füs biedi da Philippi il bel. Quist eis iscuntro dal an 1528. Ls Pairs et ls uordens della Fraunscha, haviand clamo insemmel ün grand cussalg, respundetten ad aquists imbaschaduors dal Rag Eduardi, cun dir, chia da velg ino eira fatta et observeda üna ledscha, tres laquela las femnas nun pudaiven gnir admissas al redschamaint dal reginam. Quista ledscha vain anomneda la ledscha salas-chia et eis squasi nomma in Fraunscha, et siand dimena, chia sa mamma nun ho üngiüns drets vers da que reginam dalla Fraunscha, schi aunchia bgier main el. Et alhura dschaivane: Posito, chia las femnas pudessen havair qualchie dret da pretender que reginam, schi, stando que, chia d - havessen pü buns drets alo tiers las figlias da Ludovici Philippi et da Caroli il bel, co ils filgs da lur sour, et chia ellas stuessen appussaivelmaing succeder a lur babs, scha las femnas havessen qualchie dret tiers il reginam dalla Fraunscha. Zieva lungias dispüttas da tuottas duos vards, quels chi vegnen anomnos ils Pairs dalla Fraunscha et sun [f. 57a] ils principels düchias, matteten Rag in Fraunscha Philippum Valesium, ün neif da Philippi il bel, cioe filg da seis dret frer. Eduardus il 3. dimena dalungia il publichiet la guerra et la continuet zuond lœng, na dich el, mo eir quels chi sun gnieus ziev’el, da tel soart, chia suenz haune hagieu piglio aint la granda part dalla Aquitaunia, dalla Normandia, schi perfin Paris et tuots quels lougs lander intuorn et l’haun, tgnida bgiers ans. Henricus il 6, Rag d’Ingelterra, eis perfin sto incuruno a Paris et da Carolo il 6, Rag d’Fraunscha, constituieu par sieu successur in tuot la Fraunscha. Da quist Eduardo il terz ino dimena ils Rags d’Ingelterra, per quella causa chia d - havains huossa dit, pretendan il reginam d’Fraunscha, et ’s scriven in lur titel: „Rags d’Ingelterra et d’Fraunscha“aunchi’hoatz in di. Mo per turner sün noas discuors, quist Eduardus il terz ’s havaiva inamuro in üna principela groffa cun nom Adelheida. S imbatet dimena, chia el üna gieda fet üna tras-chia cun ella in preschenscha da bgieras persunas grandas. Eis per fortüna gnieu larg ün liam alla Principessa ù Gräfin, et l’det gio in terra. L’Rag l’pigliet sü, et la Principessa ’s trupagiet, chia ella gnit [f. 57b] tuot coatschna. Co dschet l’Rag: Vituperetur, qui male cogitat: Poassa gnir mel a quel chi paissa mel. Dalungia eise gnieu sü et cumanzo l’uorden dals nœbbels cavaliers, chi poarten que liam per ün signel da que uorden, et vegnen fatts dal Rag. Zieva que grands Potentats, sco l’Rag d’Ingeltera, d’Fraunscha, Dannemarck et oters haun et poarten l’signel da quist uorden. Intraunter quist Eduardum il terz et
