 |
Questa pagina è stata trascritta e formattata, ma deve essere riletta. | |
| Alchiünas Bellas et Nüzaivlas Histoargias | 69 |
tiers bellas digniteds; ho alhura tuot perduno a seis frars, ls ho fatt gnir tar ella et giüdos eir els a grandas honuors. Ma chie iscuntra? Ve, üna gieda eira l’Imperadur legiar et havaiva ün zuond bel et rêr pom in maun, quel dunet el à sa duonna l’Imperatrice. Mo à staiva in la cuort dal Imperadur ün zuond ludo, doat hom, chi havaiva nom Paulinus, sün ilquel la Imperatrice per amur da sa pieted et dotrina tg[n]aiva zuond bgier. Üna gieda gnit quist Paulinus amalo, ilquel haviand udieu l’Imperatrice, schi l’tramtet ella que bel pom, chia [f. 55b] l’Imperadur la havaiva duneda. Quist salva sü l’pom, et cura chia l’gnit saun, schi giet el à visiter l’Imperadur et il preschantet quist bel pom in tuotta reverenzchia et submissiun, perchie chia el nun savaiva, chia l’Imperadur l’havess el do al’Imperatrice. L’Imperadur cuntschet dalungia il pom, et dimena giet el tar l’Imperatrice et la dumandet, inua chia ella haves il pom, chia el l’havaiva duneda? Ella füt tuot susteda et dschet, chia ella l’haves mangio, et giüret perfin, chia füs aschia. L’Imperadur? sconforto, pigli’our il pom et l’amuossa; pigliet Paulinum et ella in nosch suspet, fet mazer Paulinum et sbandagier Eudoxiam, laquela eis era moarta in l’exili.
Nota:
Bain diane ils tudais-chs: Glück und Glas, wie bald bricht das! Tres gielosia et fos suspett ’s fo suenz grandas nardetts.
Davart l’uorden da quels chi poarten l’Liam d’or.
XXXX.
A ’s legia in las histoargias, chia dal an 1351 incirca in [f. 56a] Ingelterra saja gnieu sü ün singuler uorden, ilquel ’s anomna aunchi’hoatz in di il uorden dal liam d’or. La glieud da que uorden poarten in il pe snestar ün bel liam blof, tessieu aint cun or et peidras pretiusas et fat aint cun üna rœsa alva et coatschna, aint in laquela eis scrit: Vituperetur, qui male cogitat: Poassa ir mel a quel, chi paissa mel. L’principi vain quinderno. Eduardus, il terz da quist nom, Rag in Ingelterra, ilquel ho fat grandas guerras cun Philippo Valesio, Rag d’Fraunscha, per via dal reginam dalla Fraunscha, ilquel chia Eduardus pissaiva, chia l’pertuchies ad el, per quista causa. Perchie chia sa mamma, chi havaiva nom Elisabetha et havaiva hagieu per hom Eduardus il seguond da quist nom, eira figlia da Philippi Pulch[r]i u da Philippi il bel, Rag da Fraunscha. Quist Philippus bel ho hagieu 4 filgs, cioe: Ludovicum, Hutinum, Philippum il lung et Carolum il bel et quela figlia Elisabetha, laquela ’s maridet cun Eduardo il seguond, Rag d’Ingelterra. Quists filgs haun regno l’ün zieva l’oter, et siand alla davous tuotts moarts sainza infaunts mes-chials, Eduardus
